இடாக்கி தோஜோ
சப்பானிய பிரதமர் From Wikipedia, the free encyclopedia
சப்பானிய பிரதமர் From Wikipedia, the free encyclopedia
இடாக்கி தோஜோ (ஆங்கிலம்: Hideki Tojo ஜப்பானியம்: 東條 英機) ( 30 டிசம்பர் 1884 - 23 டிசம்பர் 1948) சப்பானிய அரசியல்வாதியும், சப்பானிய அரசு இராணுவத்தின் (Imperial Japanese Army) தளபதியும் ஆவார். இவர் சப்பானின் பிரதமராகவும், இரண்டாம் உலகப் போரின் போது ஜப்பானிய இம்பீரியல் ஆட்சியில் உதவித் தலைவராகவும் (Imperial Rule Assistance Association) பணியாற்றினார்.
இடாக்கி தோஜோ | |
|---|---|
| Hideki Tojo | |
.jpg) | |
| ஜப்பானியப் பிரதமர் | |
| பதவியில் அக்டோபர் 18, 1941 – சூலை 22, 1944 | |
| ஆட்சியாளர் | இரோகித்தோ |
| போர் அமைச்சர் | |
| பதவியில் சூலை 22, 1940 – சூலை 22, 1944 | |
| பிரதமர் | புமிமரோ கோனோ (1940–1941) இடாக்கி தோஜோ (1941–1944) |
| ஜப்பானிய தலைமை இராணுவத் தளபதி | |
| பிரதமர் | இடாக்கி தோஜோ |
| தனிப்பட்ட விவரங்கள் | |
| பிறப்பு | திசம்பர் 30, 1884 தோக்கியோ |
| இறப்பு | திசம்பர் 23, 1948 (அகவை 63) சுகாமோ சிறை, தோக்கியோ |
| காரணம் of death | தூக்குத் தண்டனை[1] |
| துணைவர் | கட்சுக்கோ (1909) |
| பிள்ளைகள் | 3 மகன்கள் 4 மகள்கள் |
| பெற்றோர் |
|
| கையெழுத்து |  |
| Military service | |
| பற்றிணைப்பு | .svg){kind=small} சப்பானிய அரச இராணுவம் |
| தரம் |  தளபதி |
| கட்டளை | குவாந்துங் இராணுவம் (1932–1934) |
சப்பானின் அரசாங்கத் தலைவராவதற்கு முன்பு பெர்ல் துறைமுகத்தின் மீதான தாக்குதலுக்கு வழிவகுத்த விவாதங்களின் போது அமெரிக்காவிற்கு எதிரான தடுப்புப் போரை வெளிப்படையாகப் பேசியவர்களில் தோஜோவும் ஒருவர்.
அக்டோபர் 17, 1941 இல் பிரதமரான பின்னர், மிட்வே மற்றும் குவாடல்கனல் போர்களில் சப்பானியப் படைகள் தோற்கடிக்கப்படும் வரை ஆசியாவிலும் பசிபிக் பகுதியிலும் மேற்கு நாடுகளின் பெரும்பகுதியைக் கைப்பற்றுவதற்கு அவர் தலைமை தாங்கினார்.[2]
அவர் ஆட்சியில் இருந்த ஆண்டுகளில், பொதுமக்கள் மற்றும் போர்க் கைதிகள் திட்டமிட்ட படுகொலை மற்றும் பட்டினி உள்ளிட்ட பல போர்க் குற்றங்களை அவர் மேற்பார்வையிட்டார். யுத்தத்தின் அலை பெருகி சப்பானுக்கு எதிராக திரும்பியதால், தோஜோ 1944 ஜூலை 22 இல் பிரதமர் பதவியை துறக்க வேண்டிய கட்டாயம் ஏற்பட்டது.
1945 செப்டம்பரில் சப்பான் சரணடைந்த பின்னர், தோஜோ கைது செய்யப்பட்டு, தூர கிழக்கிற்கான சர்வதேச இராணுவ தீர்ப்பாயத்தால் மரண தண்டனை விதிக்கப்பட்டு 1948 டிசம்பர் 23-இல் தூக்கிலிடப்பட்டார்.[3]
இடாக்கி தோஜோ 1884 டிசம்பர் 30 அன்று டோக்கியோவின் கோஜிமாச்சி மாவட்டத்தில் பிறந்தார், [4] இம்பீரியல் சப்பானிய இராணுவத்தில் லெப்டினன்ட் ஜெனரலான ஹிடெனோரி டோஜோவின் மூன்றாவது மகனாக பிறந்தார்.[5]
பாகுஃபுவின் கீழ், சப்பானிய சமூகம் கடுமையாக நான்கு சாதிகளாகப் பிரிக்கப்பட்டது; வணிகர்கள், கைவினைஞர்கள், விவசாயிகள் மற்றும் சாமுராய் . மீஜி மறுசீரமைப்பிற்குப் பிறகு, 1871 ஆம் ஆண்டில் சாதி அமைப்பு ஒழிக்கப்பட்டது.
ஆனால் முன்னாள் சாதி வேறுபாடுகள் பல வழிகளில் தொடர்ந்து நீடித்தன, முன்னாள் சாமுராய் சாதியைச் சேர்ந்தவர்கள் தொடர்ந்து தங்கள் பாரம்பரிய கெளரவத்தை அனுபவிப்பதை உறுதி செய்தனர்.[6] தோஜோ குடும்பம் சமுராய் சாதியில் இருந்து வந்தது.
மீஜி சகாப்தத்தில் சப்பானிய இளைஞர்களின் வழக்கமான கல்வியை இடாக்கி கொண்டிருந்தார். [7] மீஜி கல்வி முறையின் நோக்கம் சிறுவர்களைப் பெரியவர்களாகப் பயிற்றுவிப்பதே ஆகும். மேலும் சப்பானிய மாணவர்களுக்கு போர் என்பது இந்த உலகத்தில் மிக அழகான விசயம் என்றும், பேரரசர் ஓர் உயிருள்ள கடவுள் எனும் செய்தி இடைவிடாமல் புகுத்தப்பட்டது.
ஒரு சப்பானியனுக்கு கிடைத்த மிகப் பெரிய மரியாதை சக்கரவர்த்திக்காக மரிப்பதாகும்.[8] சப்பானிய சிறுமிகளுக்கு ஒரு பெண்ணுக்கு மிக உயர்ந்த மரியாதை என்பது போரில் சக்கரவர்த்திக்காக இறக்கக் கூடிய பல மகன்களைக் கொண்டிருப்பது என்று கற்பிக்கப்பட்டது.
ஒரு சிறுவனாக, தோஜோ தனது பிடிவாதம், நகைச்சுவை உணர்வு இல்லாமை, மற்ற சிறுவர்களுடன் சண்டையிடுவதில் விருப்பமுள்ள மற்றும் போரிடும் இளைஞனாக இருப்பதற்காகவும், அவன் விரும்பியதைத் தொடர அவனது உறுதியான வழிக்காகவும் அறியப்பட்டான். [9]
மீஜி சகாப்தத்தில் சப்பானிய பள்ளிகள் மிகவும் போட்டித்தன்மை வாய்ந்தவை, தோல்விக்கு அனுதாபம் தரும் பாரம்பரியம் இல்லை; அவ்வாறு செய்தவர்கள் பெரும்பாலும் ஆசிரியர்களால் கொடுமைப் படுத்தப்பட்டனர்.[9]
1928 வாக்கில், அவர் ஜப்பானிய இராணுவத்தின் பணியகத் தலைவராக இருந்தார், விரைவில் அவர் கர்னலாக பதவி உயர்வு பெற்றார். அவர் 8 வது காலாட்படை படைப்பிரிவின் கட்டளையின் போது இராணுவவாத அரசியலில் ஆர்வம் காட்டத் தொடங்கினார்.[9]
பல சப்பானிய அதிகாரிகளைப் போலவே, டோஜோவும் ஜப்பானில் மேற்கத்திய கலாச்சார செல்வாக்கை விரும்பவில்லை. 1934 ஆம் ஆண்டில், ஹிடெக்கி மேஜர் ஜெனரலாக பதவி உயர்வு பெற்றார். மற்றும் இராணுவ அமைச்சகத்திற்குள் பணியாளர் துறையின் தலைவராக பணியாற்றினார்
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
