![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/79/Topographic_map_example.png/640px-Topographic_map_example.png&w=640&q=50)
இட அமைப்பியல்
From Wikipedia, the free encyclopedia
இட அமைப்பியல் (Topography) என்பது கோள் அறிவியல் சார்ந்த ஒரு துறை. இது, புவியினதும், கோள்கள் மற்றும் கோள்கள், மதிகள், விண்கற்கள் போன்ற கவனிக்கத்தக்க பிற வானியற் பொருட்களினதும் மேற்பரப்பு வடிவங்களையும் பிற அம்சங்களையும் பற்றி ஆய்வு செய்யும் துறையாகும்.
![Thumb image](http://upload.wikimedia.org/wikipedia/commons/thumb/7/79/Topographic_map_example.png/320px-Topographic_map_example.png)
பொதுவாக, இட அமைப்பியல் மேற்பரப்பின் உயர வேறுபாடுகள் தொடர்பான விவரங்கள் மட்டுமன்றி, இயற்கை மற்றும் செயற்கை அம்சங்களுடன், உள்ளூர் வரலாறு பண்பாடு போன்றவற்றையும் கணக்கில் எடுத்துக்கொள்கிறது.
இட அமைப்பியல் சிறப்பாக மேற்பரப்பின் முப்பரிமாணத் தரத்தைக் குறிக்கும், நிலப்பகுதியின் உயர அமைப்புக்களைப் பதிவு செய்வதில் ஈடுபடுவதுடன் குறிப்பான நிலவடிவங்களையும் அடையாளம் காண முயல்கிறது. இதை நிலவுரு அளவியல் (geomorphometry) என்றும் அழைப்பதுண்டு. தற்காலப் பயன்பாட்டில் இச்சொல், மின்னணுவியல் வடிவத்தில் நிலப்பரப்பு உயரம் சார்ந்த தரவுகளைப் பெறுவதைக் குறிக்கிறது. சமவுயரக் கோடுகள், உயரங்காட்டு நிறங்கள் போன்ற நுட்பங்களைப் பயன்படுத்தி நிலவடிவத்தை நிலப்படமாக உருவாக்குவதை இது உள்ளடக்குகிறது.[1][2][3]