ஆஸ்திரேலியாவின் உள்ளூராட்சிப் பகுதிகள்
From Wikipedia, the free encyclopedia
உள்ளூராட்சிப் பகுதிகள் (Local Government Area, LGA) எனப்படுவது ஆஸ்திரேலியாவின் தனிப்பட்ட உள்ளூராட்சிகளின் ஆளுகைக்கு உட்பட்ட பகுதிகளைக் குறிக்கும். மாநிலத்துக்கு மாநிலம் உள்ளூராட்சிகளின் பெயர்கள் மாறுபடுகின்றன. தன்னாட்சி நகரம் (Borough), நகரம் (city), மாவட்டம், நகராட்சி (municipality), வட்டாரம் (Region), கிராமிய நகரம் (Rural City), ஷயர் (Shire), மற்றும் சிறுநகரம் (Town) ஆகியவை ஆகும். நியூ சவுத் வேல்ஸ் மாநிலத்தின் பெரும்பாலான உள்ளூராட்சிகள், மற்றும் தெற்கு ஆஸ்திரேலியாவின் சில உள்ளூராட்சிகள் உள்ள்ளூராட்சிப் பகுதிகள் (areas) என அழைக்கப்படுகின்றன. இவற்றின் அமைப்புகள் மன்றம் (council) என அழைக்கப்படுகின்றன. ஆஸ்திரேலியாவில் தற்போது கிட்டத்தட்ட 700 உள்ளூராட்சிகள் உள்ளன[1].
இவ்வுள்ளூராட்சிகளை நிறுவுவதும், அவற்றின் எல்லைகளை மீளமைப்பதும் அந்தந்த மாநிலங்களினதும் ஆட்சிப்பகுதிகளினதும் பொறுப்பாகும்.