![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f4/Florida_Box_Turtle_Digon3_re-edited.jpg/640px-Florida_Box_Turtle_Digon3_re-edited.jpg&w=640&q=50)
ஆமை
From Wikipedia, the free encyclopedia
ஆமை அல்லது யாமை (Turtle) என்பது ஊர்வன வகுப்பைச் சேர்ந்த விலங்கு வரிசை ஆகும். இவற்றின் உடலில் முதுகுப்புறம் உள்ள தனித்துவமான குருத்தெலும்பு ஓடு ஒரு கவசம் போல் செயல்படுகிறது. இதில் மொத்தம் 356 இனங்கள் அறியப்பட்டுள்ளன.[1] ஆமைப் பிரிவின் சில இனங்கள் சுராசிக் இடைக்காலம்[2] முதலே இருந்திருப்பதாகக் கண்டறியப்பட்டடுள்ளது. எனவே இவை ஊர்வனவற்றில் பாம்புகளுக்கும் முதலையினங்களுக்கும் மூத்தன.
ஆமை புதைப்படிவ காலம்: பிந்தைய டிரையாசீக் – அண்மை 220–0 Ma | |
---|---|
![]() | |
Terrapene carolina | |
உயிரியல் வகைப்பாடு | |
திணை: | |
தொகுதி: | |
வகுப்பு: | |
வரிசை: | ஆமை |
துணைக்குழுக்கள் | |
Cryptodira | |
உயிரியற் பல்வகைமை | |
[[ஆமைக் குடும்பங்களின் பட்டியல்|14 வாழும் குடும்பங்கள்- 356 சிற்றினங்கள்]] | |
![]() | |
நீலம்: கடலாமைகள், கருப்பு: நில ஆமைகள் |
ஆமைகள் குளிர் இரத்த விலங்குகளாகும். அதாவது இவற்றின் உடல் வெப்பநிலையை சூழலுக்கு ஏற்ப இவற்றால் மாற்றிக்கொள்ள முடியும். இது அம்னியோடிக்கு (அம்னியோன் = கருவைச் சுற்றியிருக்கும் ஒரு வகைச் சவ்வு) வகையைச் சேர்ந்த விலங்கு. எனவே அதே வகையைச் சேர்ந்த மற்ற விலங்குகளான ஊர்வன, பறவைகள், பாலூட்டிகள் போல இவை காற்றை சுவாசிக்கின்றன. மேலும் ஆமைகள் நீருக்குள்ளேயோ நீரையொட்டியோ வாழ்ந்தாலும் நீருக்கடியில் முட்டையிடாமல் தரையிலேயே இடுகின்றன.