![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0e/Foxnut_Makhana_-_Nawada_District_-_Bihar_-_1.jpg/640px-Foxnut_Makhana_-_Nawada_District_-_Bihar_-_1.jpg&w=640&q=50)
அல்லி விதைகள்
From Wikipedia, the free encyclopedia
அல்லி விதைகள் (Fox Nuts Or Makhana[1]). இது தெற்காசியா மற்றும் கிழக்காசியாவில் காணப்படும் அல்லி வகை நீர்த்தாவரத்தின் விதைகள் ஆகும்.,[2] குறிப்பாக இத்தாவரங்கள் கிழக்கு இந்தியா, சீனா, கொரியா, ஜப்பான் நாடுகளின் நன்னீர் நிலைகளில் அதிகம் வளர்கிறது. ஊட்டச்சத்துக்கள் நிறைந்த இதன் உலர்ந்த விதைகள் உண்ணத்தக்கது. மருத்துவ குணம் கொண்டது. நன்னீரில் வளரும் இவ்வகை அல்லி வகைத் தாவரங்கள் அடர் ஊதா பூக்களுடன், இலைகள் பெரியதாகவும், வட்டமாகவும், உருண்டையாகவும், பெரும்பாலும் ஒரு மீட்டருக்கும் அடி) விட்டத்துடன் இருக்கும். இச்செடியின் மேற்பரப்பின் மையத்தில் ஒரு இலைத் தண்டு இணைக்கப்பட்டுள்ளது. இலையின் அடிப்பகுதி ஊதா நிறத்திலும், மேல்புறம் பச்சை நிறத்திலும் இருக்கும். தண்டுகள், பூக்கள் மற்றும் மேற்பரப்பில் மிதக்கும் இலைகள் கூர்மையான முட்களால் மூடப்பட்டிருந்தாலும், இலைகள் ஒரு மெல்லிய அமைப்பைக் கொண்டுள்ளது.
![Thumb image](http://upload.wikimedia.org/wikipedia/commons/thumb/0/0e/Foxnut_Makhana_-_Nawada_District_-_Bihar_-_1.jpg/640px-Foxnut_Makhana_-_Nawada_District_-_Bihar_-_1.jpg)
![Thumb image](http://upload.wikimedia.org/wikipedia/commons/thumb/b/b0/Euryale_ferox_kz06.jpg/640px-Euryale_ferox_kz06.jpg)
![Thumb image](http://upload.wikimedia.org/wikipedia/commons/thumb/8/83/Euryale_ferox_1-OB9.jpg/640px-Euryale_ferox_1-OB9.jpg)
![Thumb image](http://upload.wikimedia.org/wikipedia/commons/thumb/0/05/Makhanak_Pokhari.jpg/320px-Makhanak_Pokhari.jpg)
உலகின் மக்கானா உற்பத்தியில் 80 முதல் 90 சதவீதம் பீகாரில் உற்பத்தி செய்யப்படுகிறது..[3] மக்கானா விதை உற்பத்தியில் 70% பிகாரின் மிதிலை பிரதேசத்தில் உள்ள மதுபனி மாவட்டம், தர்பங்கா மாவட்டம் கொண்டுள்ளது. மேலும் பிகாரின் சமஸ்திபூர் மாவட்டம், பூர்ணியா மாவட்டம் மற்றும் சிதாமர்கி மாவட்டங்களிலும் மக்கானா விதைக் கொட்டைகள் உற்பத்தி செய்யப்படுகிறது.