மதராசு புள்ளி அரணை என்று பொதுவாக அழைக்கப்படும் பார்குதியா இன்சுலாரிசு (Barkudia insularis) என்பது மிக அருகிய இனம் என வகைப்படுத்தப்பட்டுள்ள மூட்டு இல்லாத அரணை ஆகும். இது 1917ஆம் ஆண்டில் நெல்சன் அன்னாண்டேலால் விவரிக்கப்பட்டது. 2003-ல் காடுகளில் மீண்டும் கண்டுபிடிக்கப்பட்டது. இந்த சிற்றினம் பற்றி அதிக தகவல்கள் அறியப்படவில்லை. ஆனால் இது இந்தியாவின் ஒடிசாவில் உள்ள சில்கா ஏரியில் உள்ள பார்குடா தீவுக்கு அருகிலுள்ள சதுப்புநில வாழ்விடங்களில் மட்டுமே காணப்படுவதாக முன்னர் நம்பப்பட்டது.[2] பின்னர் ஒடிசாவின் அருகிலுள்ள பகுதிகளில் மேற்கொள்ளப்பட்ட அவதானிப்புகள் மாநிலத்திற்குள் ஒரு பெரிய வரம்பைக் கொண்டுள்ளதைக் குறிக்கின்றன.[3] இப்பல்லி பெரிய மண்புழு போலத் தோற்றமளிக்கிறது. இது மண்ணின் அடிப்பகுதியில் வாழ்கிறது. இது சிறிய கணுக்காலிகளை உணவாக உண்ணும்.
| மதராசு புள்ளி அரணை | |
|---|---|
| உயிரியல் வகைப்பாடு | |
| திணை: | |
| பிரிவு: | |
| வகுப்பு: | |
| வரிசை: | |
| குடும்பம்: | |
| பேரினம்: | |
| இனம்: | பா. இன்சுலாரிசு |
| இருசொற் பெயரீடு | |
| பார்குதியா இன்சுலாரிசு அண்ணாந்லே, 1917 | |
.png) | |
1917-ல் சில்கா ஏரியின் படகுடா தீவின் ஒரு ஆலமரத்தின் வேர்களுக்கு அருகில் தளர்வான பூமியில் இந்த உயிரினம் கண்டுபிடிக்கப்பட்டது. இச்சிற்றினம் விவரிக்கப்பட்டதிலிருந்து நான்கு ஆய்வு அறிக்கைகள் மட்டுமே பதிவு செய்யப்பட்டுள்ளன. இவை அனைத்தும் ஒடிசா மாநிலத்தில் சேகரிக்கப்பட்ட தரவுகளாகும் 1917 மற்றும் 2003ஆம் ஆண்டுகளில் சில்கா ஏரியில் உள்ள பார்குடா தீவில், 1979ஆம் ஆண்டு நந்தன்கானன் விலங்கியல் பூங்காவில் இதன் அவதானிப்பும் 2022ஆம் ஆண்டு புகுடாவின் அருகாமையில் மேற்கொள்ளப்பட்ட அவதானிப்பும் இவையாகும்.[3]
வகைப்பாட்டியல் விளக்கம்
பார்குதியா (அன்னண்டலே, ரெக். இந்திய முஸ். xiii, 1917 பக். 20 - வகை இனங்கள் இன்சுலாரிசு) பல்லின் எலும்புகள் பல்லின் நடுப்பகுதியில் சந்திப்பதில்லை. இது பல் இல்லாதது. நாசிக்கும் அலகுருமுளைக்கும் இடையில் உள்ள நாசித் துவாரம் உள்ளது. முன்பகுதிகள் மற்றும் முன்பக்கப் பகுதிகள் இல்லை; உடல் நீளமானது; கரங்கள் இல்லை;
வெளிர் பழுப்பு மேற்பகுதியும், ஒவ்வொரு முதுகு செதில்களும் மையப் புள்ளியுடன் காணப்படும். மொத்தத்தில் 12 அல்லது 14 நீளமான கோடுகள் பின்புறத்திலும் வால் முழுவதும் காணப்படுகின்றன. உடலின் கீழ் பாகங்கள் வெண்மையானவை. தலையின் மேற்பகுதி பழுப்பு நிறத்தில் மேகமூட்டமானது. ஆலமரம் வேரில் தளர்வான மண்ணிலிருந்து தோண்டப்பட்ட வகை மூலம் விவரிக்கப்பட்டது. 1919ஆம் ஆண்டு மழைக்காலத்தில் இதே பகுதியில் பிரடெரிக் ஹென்றி கிரேவ்லி என்பவரால் இரண்டாவது அரணை அடையாளம் காணப்பட்டது.[4]
மேற்கோள்கள்
மேற்கோள்கள்
வெளி இணைப்புகள்
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
