From Wikipedia, the free encyclopedia
நழுவு சட்டம், நழுவு கோல் அல்லது ஊர்வு அளவுகோல் (slide rule) [1] என்பது ஒரு ஒப்புமைக் கணிப்பொறி ஆகும்.[2][3][4][5][6] பெருக்கல், வகுத்தல் செயல்களுக்கும் N ஆம் மூலங்கள், மடக்கைகள், முக்கோணவியல் சார்புகளுக்கும் பயன்படுத்தப்படுகிறது. பொதுவாகக் கூட்டல், கழித்தலுக்குப் பயன்படுத்தப்படுவதில்லை. தோற்றத்தில் சாதாரண அளவுகோலை ஒத்ததாக இருந்தாலும், பொதுவாக நீளத்தை அளக்க, நேர்கோடுகள் வரைய நழுவுகோலானது பயன்படுத்தப்படுவதில்லை.
வேறுபட்ட பலவிதமான வடிவங்களில் இருந்தபோதும் இவைக் கணிதக் கணக்கிடுதலுக்குத் தேவையான அளவுகள் குறிக்கப்பட்ட, நீள அல்லது வட்டவடிவமானதாகவே பொதுவாக அமைந்துள்ளன. பறப்பியல், நிதியியல் போன்ற சிறப்புத்துறைகளுக்குப் பயன்படுத்தப்படும் நழுவுகோல்கள், அந்தந்தத் துறைகளின் கணக்கிடுதலுக்குத் தேவையான அளவுகள்க் கொண்டிருக்கும்.
நேப்பியரின் மடக்கையை அடிப்படையாகக் கொண்டு ஆங்கிலக் கணிதவியலாளர் வில்லியம் ஆட்ரெடும் பிறரும் இணைந்து 17 ஆம் நூற்றாண்டில் நழுவுச் சட்டத்தை மேம்படுத்தினர். பை-கணிப்பானின் வரவுக்குமுன், நழுகோல்தான் அறிவியலிலும் பொறியியலிலும் கணக்கிடுதலுக்கு முக்கியமாகப் பயன்படுத்தப்பட்ட கருவியாகும். 1950களிலும் 1960களிலும் எண்ணிம கணக்கிடும் பொறிகள் அறிமுகமாகிக் கொண்டிருந்தபோதும் நழுவுகோலின் பயன்பாடு தொடர்ந்தது. ஆனால் 1974 இல் அறிவியல் கணிப்பானின் அறிமுகத்திற்குப் பின்னர் இதன் பயன்பாடு பெரும்பாலும் மறைந்து போனது.[7][8][9][10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
