தாவாவ் பிரிவு
சபா மாநிலத்தில் உள்ள நிர்வாகப் பிரிவு From Wikipedia, the free encyclopedia
தாவாவ் பிரிவு (மலாய் மொழி: Bahagian Tawau; ஆங்கிலம்: Tawau Division) என்பது மலேசியா, சபா மாநிலத்தில் உள்ள ஐந்து நிர்வாகப் பிரிவுகளில் ஒன்றாகும். பிரிவு என்பதைக் கிழக்கு மலேசியாவில் டிவிசன் (Division) என்று அழைக்கிறார்கள். இந்த முறைமை தீபகற்ப மலேசியாவில் இருந்து முற்றிலும் வேறுபட்டது.[1]
கிழக்கு மலேசியாவில் உள்ள சபா; சரவாக் மாநிலங்களைப் பொருத்த வரையில், பிரிவு என்பது ஒரு நிர்வாகப் பிரிவாகும். அந்த இரு மாநிலங்களிலும் ஒவ்வொரு பிரிவும் மாவட்டங்களாக (Daerah) பிரிக்கப்பட்டு நிர்வாகம் செய்யப் படுகிறது. ஒவ்வொரு பிரிவுக்கும் ஓர் ஆளுநர் (Resident) நியமிக்கப்பட்டு உள்ளார்.
இந்தக் தாவாவ் பிரிவு, சபா மாநிலத்தின் தென் கிழக்குப் பகுதியில் அமைந்து உள்ளது. இதன் மொத்த பரப்பளவு 14,905 சதுர கிலோமீட்டர்கள் (சபாவின் மொத்த நிலப்பரப்பில் 20 %).[1]
தாவாவ் பிரிவின் தலைநகரம் தாவாவ். இதர முக்கிய நகரங்கள்: லகாட் டத்து (Lahad Datu), கூனாக் (Kunak) மற்றும் செம்பூர்ணா (Semporna).
சபாவின் மொத்த மக்கள் தொகையில் தவாவ் பிரிவு 26 % கொண்டுள்ளது. முக்கிய பழங்குடி குழுக்கள்: பஜாவ், சுலுக், இடான், திடோங், கோகோஸ், மூருட், லுன் பாவாங்; லுன் டாயே மற்றும் சிறுபான்மை கலப்பு இனக் குழுக்கள்.[2][3]
வெளிநாட்டவர் குடியேற்றம்
இந்தோனேசியாவில் இருந்து பூகினீஸ் மற்றும் துரோஜான் போன்ற இனக் குழுக்கள், பெரிய எண்ணிக்கையில், சட்டப் பூர்வமாகவும்; சட்டவிரோதமாகவும் குடியேறி உள்ளனர். கிழக்குத் திமோர் தீவில் இருந்தும் குடியேற்றங்கள் நடந்து உள்ளன. பிலிப்பைன்ஸில் இருந்து தாசுக் மற்றும் விசாயா மக்களும் குடியேறி உள்ளனர்.[4]
மேலும் மலேசியப் பாகிஸ்தானியர்கள்; மலேசிய இந்தியர்கள்; மலேசிய அரேபியர்கள், தாவாவ் பகுதியில் வாழ்கின்றனர்.[2] சீனர்களும் அதிகமாக உள்ளனர்.[3]
தாவாவ் துறைமுகம்
கோத்தா கினபாலு மற்றும் சண்டக்கான் துறைமுகங்களுக்குப் பிறகு மூன்றாவது பெரிய துறைமுகமாகத் தாவாவ் துறைமுகம் விளங்குகிறது. பெரிய அளவில் காட்டு மரங்கள் மற்றும் விவசாய பொருட்களின் ஏற்றுமதி மையமாகவும் தாவாவ் துறைமுகம் செயல்படுகிறது.[5]
தாவாவ் பிரிவில் இரண்டு உள்நாட்டு வானூர்தி நிலையங்கள் உள்ளன. ஒன்று தாவாவ் வானூர்தி நிலையம் மற்றும் ஒன்று லகாட் டத்து வானூர்தி நிலையம். இந்தப் பிரிவில் சிபாடான் (Sipadan) தீவு; லிகிடான் (Ligitan) தீவு; செபாடிக் (Sebatik) தீவின் வடக்குப் பகுதியும் அடங்கும்.
சபா, சரவாக் மாநிலங்களின் தற்போதைய பிரிவு எனும் அமைப்பு முறை ஜெர்மனிய வணிகர் ஒருவரின் மூலமாகப் பெறப்பட்ட அமைப்பு முறையாகும். அந்த அமைப்பு முறை வட போர்னியோ சார்ட்டட் நிறுவனத்திடம் (North Borneo Chartered Company) இருந்து பெறப்பட்டது.[6][7]
இந்த முறையை அமைத்தவர் பிரபு வான் ஓவர்பெக் (Baron von Overbeck). அவருக்குப் பின்னர் அந்த டிவிசன் முறை இன்றும் தொடர்கிறது.
சபா மாநிலத்தின் தாவாவ் பிரிவு பின்வரும் நிர்வாக மாவட்டங்களாகப் பிரிக்கப்பட்டு உள்ளது:[8]
- கலாபாக்கான் மாவட்டம் (3,885 கி.மீ.2 (கலாபாக்கான்)
- கூனாக் மாவட்டம் (1,134 கி.மீ.2) (கூனாக்)
- லகாட் டத்து மாவட்டம் (6,501 கி.மீ.2) (லகாட் டத்து)
- செம்பூர்ணா மாவட்டம் (1,145 கி.மீ.2) (செம்பூர்ணா)
- தாவாவ் மாவட்டம் (2,240 கி.மீ.2) (தாவாவ்)
1 சனவரி 2019-இல் தாவாவ் மாவட்டத்தில் இருந்து கலாபாக்கான் மாவட்டம் பிரிக்கப்பட்டது.[9]
- Tregonning, K. G. (1965). A History Of Modern Sabah (North Borneo 1881–1963). University of Malaya Press.
- State of Sabah: Administrative Divisions Ordinance – Sabah Cap. 167 (PDF) of 1 November 1954; last amended on 16 September 1963, as amended in August 2010;
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
