இந்தியக் கோட்பாட்டு இயற்பியலாளரும், அண்டவியலாளரும் ஆவார் From Wikipedia, the free encyclopedia
பேராசிரியர் தாணு பத்மநாபன் (Thanu Padmanabhan, 10 மார்ச் 1957 – 17 செப்டம்பர் 2021) இந்தியக் கோட்பாட்டு இயற்பியலாளரும், அண்டவியலாளரும் ஆவார். இவர் அண்டம், குவைய ஈர்ப்பு ஆகிய துறைகளில் ஈர்ப்பு விசை, கட்டமைப்பு உருவாக்கம் ஆகியவற்றில் பெரும் பங்காற்றியுள்ளார். இவரது 300 இற்கும் அதிகமான ஆய்வுக் கட்டுரைகள் பன்னாட்டு ஆய்விதழ்களில் வெளிவந்துள்ளன. 10 நூல்களை எழுதியுள்ளார். அண்டவெளியில் கருப்பு ஆற்றலின் பகுப்பாய்வு, புவியீர்ப்பை ஓர் எழுச்சி நிகழ்வாக விளக்குவது போன்றவற்றிலும் பல பங்களிப்புகளை வழங்கியுள்ளார். இவர் புனேயில் உள்ள வானியல், வானியற்பியலுக்கான பல்கலைக்கழக மையத்தில் பேராசிரியராகப் பணியாற்றினார்.[3] 2007 இல் இவருக்குப் பத்மசிறீ விருது வழங்கப்பட்டது.
தாணு பத்மநாபன் Thanu Padmanabhan | |
---|---|
பிறப்பு | 10 மார்ச் 1957[1] திருவனந்தபுரம், கேரளம் |
இறப்பு | 17 செப்டம்பர் 2021 64) புனே, இந்தியா | (அகவை
தேசியம் | இந்தியர் |
துறை | இயற்பியல், வானியல் |
பணியிடங்கள் | பல்கலைக்கழகங்களுக்கான வானியல், வானியற்பியல் மையம்[2] |
கல்வி கற்ற இடங்கள் | கேரளப் பல்கலைக்கழகம், டாட்டா அடிப்படை ஆராய்ச்சி கழகம் |
ஆய்வு நெறியாளர் | ஜயந்த் நாரளீக்கர் |
விருதுகள் | பத்மசிறீ |
பத்மநாபன் திருவனந்தபுரத்தில் 1957 மார்ச் 10 இல் தாணு ஐயருக்கும் இலட்சுமி அம்மாளுக்கும் பிறந்தார். கேரளப் பல்கலைக்கழகத்தின் கீழுள்ள திருவனந்தபுரம் பல்கலைக்கழகக் கல்லூரியில் இயற்பியலில் இளம் அறிவியல் (1977), முது அறிவியல் (1979) பட்டங்களைப்[ பெற்றார்.[4] தனது முதலாவது ஆய்வுக் கட்டுரையை பொதுச் சார்புக் கோட்பாட்டில் தனது 20-வது அகவையில் எழுதினார்.[5] 1979 இல் மும்பை, டாட்டா அடிப்படை ஆராய்ச்சி கழகத்தில் முனைவர் பட்டத்திற்காக இணைந்தார்.[6] அங்கு அவர் 1980 முதல் 1992 வரை பல பணிகளில் செயலாற்றினார், 1986–87 இல் கேம்பிரிட்ச் வானியல் ஆய்வுக் கழகத்தில் பணியாற்றினார். 1992 இல் |வானியல், வானியற்பியலுக்கான பல்கலைக்கழக மையத்தில் இணைந்து முக்கிய கல்வித் திட்டப் பீடத்தின் தலைவராக 18 ஆண்டுகள் (1997–2015) பணியாற்றினார்.
தாணு பத்மநாபன் 2021 செப்டம்பர் 17 இல் புனேயில் உள்ள அவரது இல்லத்தில் மாரடைப்பால் தனது 64 வது வயதில் காலமானார்.[7] இவருடைய மனைவி வசந்தி பத்மநாபன் (முனைவர், வானியற்பியல்), மகள் அம்சா பத்மநாபன் (முனைவர், வானியற்பியல்) ஆவர்.
இவர் எழுதிய இயற்பியல் நூல்கள்:
பதமநாபன் பல முக்கிய விருதுகளைப் பெற்றுள்ளார்:[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.