டி. ஆர். ரகுநாத்

டி. ஆர். ரகுநாத் (T. R. Raghunath, திமாச்சிபுரம் ராஜகோபால் ரகுநாத், 16 சூலை 1912 – 2 சனவரி 1990) தென்னிந்தியத் திரைப்பட இயக்குநரும், திரைக்கதை எழுத்தாளரும் ஆவார். கிட்டத்தட்ட 30 திரைப்படங்களை இவர் இயக்கியுள்ளார். இவர் இயக்குநர் ராஜா சந்திரசேகரின் இளைய சகோதரர் ஆவார்.^[3]

டி. ஆர். ரகுநாத்
பிறப்பு	திமாச்சிபுரம் ராஜகோபால் ரகுநாத் (1912-07-16)16 சூலை 1912 திருவனந்தபுரம், திருவிதாங்கூர், பிரித்தானியாவின் இந்தியப் பேரரசு[1]
இறப்பு	2 சனவரி 1990(1990-01-02) (அகவை 77)
பணி	திரைப்பட இயக்குநர்
வாழ்க்கைத் துணை	எம். எஸ். சரோஜா[2]

வாழ்க்கைக் குறிப்பு

ரகுநாத் 1935 ஆம் ஆண்டில் ஞானசௌந்தரி திரைப்படத்தில் துணை இயக்குநராகப் பணியாற்றினார். சிறினிவாசா சினிடோனுக்காக 1936 இல் தாரா சசாங்கம் திரைப்படத்தில் ஒலிப்பதிவாளராகப் பணியாற்றினார். அதே ஆண்டில் கிழட்டு மாப்பிள்ளை திரைப்படம் மூலம் இயக்குநராக அறிமுகமானார். 1940களில் ம. கோ. இராமச்சந்திரன் இவரது சில திரைப்படங்களில் சிறு வேடங்களில் தோன்றி நடித்தார். 1960 இல் ம. கோ. இராமச்சந்திரன் நடித்த ராஜா தேசிங்கு திரைப்படத்தை இயக்கினார்.^[1] கண்ணகி (1942) திரைப்படத்தில் டி. ஆர். ரகுநாத் நடனக் காட்சியை அமைத்திருந்தார். இத்திரைப்படத்தில் மாதவியாக நடித்த எம். எஸ். சரோஜாவைக் காதலித்து திருமணம் புரிந்து கொண்டார்.^[4]

ரகுநாத் பின்னர் கற்பகம் கலையகத்தில் தொழில்நுட்ப ஆலோசகராகப் பணியாற்றினார், அதன் பிறகு அவர் இந்தியத் திரைப்படப் பிரிவின் மதராசுக் கிளையின் தலைவராக நியமிக்கப்பட்டார்.^[1]

இயக்கிய திரைப்படங்கள்

ஆண்டு	திரைப்படம்	தயாரிப்பு
1936	கிழட்டு மாப்பிள்ளை	சீனிவாசா சினிட்டோன்
1939	ஜோதி	ஜோதி பிக்சர்சு
1941	வேதவதி (சீதா ஜனனம்)	சியாமளா பிக்சர்சு
1942	தமிழறியும் பெருமாள்	உமா பிக்சர்சு
1944	மகாமாயா	யுப்பிட்டர் பிக்சர்சு
	பிரபாவதி	கிருஷ்ணா பிக்சர்சு
1946	அர்த்தநாரி	கலைவாணி பிலிம்சு மதராசு யுனைட்டட் ஆர்ட்டிசுட்டு கார்ப்பரேசன்
1947	உதயணன் வாசவதத்தா	உமா பிக்சர்சு
1951	வனசுந்தரி	கிருஷ்ணா பிக்சர்சு
	சிங்காரி	நேசனல் புரொடக்சன்சு
1952	மாப்பிள்ளை	நேசனல் புரொடக்சன்சு
1954	விளையாட்டு பொம்மை	சிறீ சுகுமாரன் புரொடக்சன்சு
1955	கணவனே கண்கண்ட தெய்வம்	நாராயணன் கம்பனி
	மகேஸ்வரி	மாடர்ன் தியேட்டர்ஸ்
1956	மர்ம வீரன்	மெகுபூப் கலையகம்
1957	அலாவுதீனும் அற்புத விளக்கும்	ஜெய் சக்தி பிக்சர்சு
	ராணி லலிதாங்கி	டி. என். ஆர். புரொடக்சன்சு
	யார் பையன்	விஜயா பிலிம்சு
1958	கன்னியின் சபதம்	யுப்பிட்டர் பிக்சர்சு
	மாங்கல்ய பாக்கியம்	கிருஷ்ணா பிக்சர்சு
1959	வண்ணக்கிளி	மாடர்ன் தியேட்டர்ஸ்
1960	அன்புக்கோர் அண்ணி	பிலிம் சென்டர்
	ராஜா தேசிங்கு	கிருஷ்ணா பிக்சர்சு
1961	மருதநாட்டு வீரன்	சிறீ கணேசு பிரசாத் மூவீசு
1962	கவிதா	மாடர்ன் தியேட்டர்ஸ்
	விக்ரமாதித்தன்	ஜெயபாரத் புரொடக்சன்சு
1971	லோரா நீயேவிதே (மலையாளம்)	எக்செல் புரொடக்சன்சு
	திருமகள்	கோவிந்தராஜா பிலிம்சு
1972	மாப்பிள்ளை அழைப்பு
1974	அங்கதாட்டு (மலையாளம்)	அசீம் கம்பனி

திரைக்கதைகள்

ஆண்டு	திரைப்படம்	தயாரிப்பு
1942	தமிழறியும் பெருமாள்	உமா பிக்சர்சு
1955	உலகம் பலவிதம் (திரைக்கதை)	நேசனல் புரொடக்சன்சு

மேற்கோள்கள்

1. Rajadhyaksha & Willemen 1998, ப. 183.
2. Rao, Sandhya (14 November 2013). "Breathing Jeeva into stories". பிசினஸ் லைன். http://www.thehindubusinessline.com/news/variety/breathing-jeeva-into-stories/article5347759.ece.
3. ராண்டார் கை (5 October 2013). "The forgotten heroes". தி இந்து. http://www.thehindu.com/features/cinema/the-forgotten-heroes/article5204125.ece.
4. "Kannagi 1942". The Hindu. Archived from the original on 23 August 2014. பார்க்கப்பட்ட நாள் 12 September 2015.

உசாத்துணைகள்

• Rajadhyaksha, Ashish; Willemen, Paul (1998) [1994]. Encyclopaedia of Indian Cinema (PDF). ஒக்ஸ்போர்ட் பல்கலைக்கழகப் பதிப்பகம். பன்னாட்டுத் தரப்புத்தக எண் 0-19-563579-5.
• "Director T. R. Raghunath".

வெளி இணைப்புகள்

• ஐ.எம்.டி.பி இணையத்தளத்தில் டி. ஆர். ரகுநாத்