தமிழ்த் திரைப்படப் பின்னணிப் பாடகர் From Wikipedia, the free encyclopedia
சுனிதா சாரதி (Sunitha Sarathy) இந்திய சமகால மற்றும் மேற்கத்திய பாரம்பரிய இசை வகைகளில் பாடும் ஒரு இந்திய பாடகியும் மற்றும் நடிகையும் ஆவார்.[1] இவர் பல்வேறு தேவாலயக் குழுவில் பாடும் ஒரு சுவிசேஷ பாடகர் ஆவார். 2000 ஆம் ஆண்டில் சேனல் வி மற்றும் விர்ஜின் ரெகார்ட்ஸின் கூட்டு முயற்சியான "விர்ஜின் வாய்ஸ் சாய்ஸ்" போட்டியை வென்ற பிறகு, 2002 ஆம் ஆண்டில் மீண்டும் திரைப்படங்களில் பின்னணிப் பாடல்களை பாட ஆரம்பித்தார்.
| சுனிதா சாரதி | |
|---|---|
 | |
| பின்னணித் தகவல்கள் | |
| இயற்பெயர் | சுனிதா சாரதி |
| பிறப்பு | சென்னை, தமிழ்நாடு, இந்தியா |
| இசை வடிவங்கள் | பின்னணி, |பாரம்பரிய இசை, கோஸ்பெல் |
| தொழில்(கள்) | பாடகர் |
| இசைக்கருவி(கள்) | வாய்ப்பாட்டு |
| இசைத்துறையில் | 2002 முதல் தற்போது வரை |
தமிழ் திரைப்படமான ஏய் நீ ரொம்ப அழகாய் இருக்கே என்ற படத்தில் பின்னணி பாடகராக அறிமுகமானார். முன்னணி பாடகர்களான ஸ்ரீனிவாஸ் மற்றும் சுஜாதா மோகன் ஆகியோருடன் இனி நானும் நானில்லை என்ற பாடலில் முன்பகுதியிலும் மற்றும் இடையிலும் சில பகுதிகளை பாடினார்.[2] சாரதி 200 க்கும் மேற்பட்ட திரைப்படப் பாடல்களை பாடியுளார்.[3]
சாரதி மேற்கத்திய இசை (கிளாசிக்கல் ஜாஸ்) நன்கு அறிந்த ஒரு குடும்பத்தில் இருந்து வந்துள்ளார், தனது 4 வயதிலிருந்தே குழுவிசையில் பாடினார். இவரது தாயார் சுசீலா சாரதி சென்னை சாந்தோம் பேராலயம் மற்றும் லாசரஸ் தேவாலயத்தில் குழுவிசை மற்றும் பியானே வாசிப்பவராவார்.
திறமையான பாடகர்களை தேடி வந்த போது பின்னணி பாடகர் ஸ்ரீனிவாசன் சுனிதா சாரதியை கவனித்தார். ஏய் நீ ரொம்ப அழகாய் இருக்கே என்ற படத்தில் சில பகுதிகளை சுனிதா பாடினார். பின்னர், இசையமைப்பாளர் ஹாரிஸ் ஜயராஜ் தான் இசையமைத்த தெலுங்கு படமான வசுக்கள் என்ற படத்தில் காதல் மற்றும் நடனக் கருவுக்காக இவரது குரலைப் பதிவு செய்தார். இருப்பினும், அதே வருடத்தில் தமிழ் திரைப்படமான காக்க காக்க படத்தில் இடம்பெற்ற "தூது வருமா" என்ற பாடலை தனிப்பாடலாகப் பாடிய பிறகு பரவலான அங்கீகாரம் இவருக்குக் கிடைத்தது.
2006 ஆம் ஆண்டு ஆசிய விளையாட்டுப் போட்டிகளில் சாரதி பாடியுள்ளார்.[4]
ஜூலை 2014 இல், சுனிதா சாரதி பாடகர்கள் ஆர்வமாக செயல்படும் ஒரு செயல்திறன் சார்ந்த மையத்தைத் துவங்கினார்.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
