சாகிப் சிங் வர்மா

சாகிப் சிங் வர்மா (Sahib Singh Verma) இந்திய அரசியல்வாதியாகவும், பாரதிய ஜனதா கட்சியின் முன்னாள் மூத்த துணைத் தலைவராகவும் இருந்தவர்.^[1] சாகி சிங் வர்மா தில்லி மாநிலத்தின் நான்காவது முதலமைச்சராகவும் (1996–1998), இந்திய நாடாளுமன்றத்தின் பதின்மூன்றாவது மக்களவை உறுப்பினராகவும் (1999–2004) பணியாற்றியவர்.^[2] இந்திய நடுவண் அரசில் தொழிலாளர் நலன் மற்றும் வேலைவாய்ப்புத் துறையின் அமைச்சராகவும் இருந்தவர்.^[3]

சாகிப் சிங் வர்மா
நான்காவது முதலமைச்சர், தில்லி
பதவியில் 26 பிப்ரவர் 1996 - 12 அக்டோபர் 1998
முன்னையவர்	மதன் லால் குரானா
பின்னவர்	சுஷ்மா சுவராஜ்
தனிப்பட்ட விவரங்கள்
பிறப்பு	(1943-03-15)15 மார்ச்சு 1943 தில்லி, பிரித்தானிய இந்தியா
இறப்பு	30 சூன் 2007(2007-06-30) (அகவை 64) இராஜஸ்தான், இந்தியா
அரசியல் கட்சி	பாரதிய ஜனதா கட்சி
பிள்ளைகள்	2 மகன்கள், 3 மகள்கள்
சமயம்	இந்து

சாகிப் சிங் வர்மா தில்லி – ஜெய்பூர் நெடுஞ்சாலையில் சாலை விபத்தில் 30 சூன் 2007-இல் இறந்தார்.

இளமையும் கல்வியும்

சாகிப் சிங் வர்மா ஜாட் இன வேளாண்மைக் குடும்பத்தில், மீர் சிங் – பார்பாய் தேவி இணையருக்கு 15 மார்ச் 1943-இல் தில்லி அருகே முண்டகா எனும் கிராமத்தில் பிறந்தவர்.

சாகிப் சிங் வர்மா இளமையில் ராஷ்டிரிய சுயம்சேவாக் சங்கத்தில் உறுப்பினராகச் சேர்ந்து சமூக – அரசியல் பணிகளில் ஈடுபட்டார்.^[4]

முதுகலை பட்டப்படிப்பு முடித்து, அலிகார் முஸ்லீம் பல்கலைக்கழகத்தில் நூலக அறிவியலில் முதுகலை பட்டம் பெற்றவர்.^[5][6] பின்னர் தில்லி சாகித் பகத் சிங் கல்லூரியில் நூலகராகப் பணியில் சேர்ந்தார்.^[7]

அரசியல்

சாகிப் சிங் வர்மா 1977-இல் தில்லி மாநகராட்சி தேர்தலில் ஜனதா கட்சியின் சார்பாக போட்டியிட்டு வென்றவர். பின்னர் பாரதிய ஜனதா கட்சியின் சார்பாக போட்டியிட்டு வென்றவர். சாகிப் சிங் வர்மா 1993-இல் மதன் லால் குரானா அமைச்சரவையில் தில்லி மாநில கல்வி மற்றும் வளர்ச்சித் துறை அமைச்சராகப் பணியாற்றியவர். 1996-இல் ஊழல் வழக்கில் மதன் லால் குரான பதவி விலகியதை அடுத்து, சாகிப் சிங் வர்மா தில்லி முதலமைச்சராகப் பதவியேற்றுக் கொண்டார்.^[8] தில்லியில் வெங்காயத் தட்டுப்பாடு மற்றும் விலை ஏற்றத்தின் காரணமாக சாகிப் சிங் முதலமைச்சர் பதவியிலிருந்து விலகியதை அடுத்து சுஷ்மா சுவராஜ் முதலமைச்சராகப் பதவி ஏற்றார்.

1999-இல் தில்லி புறநகர் தொகுதியிலிருந்து சாகிப் சிங் வர்மா இந்திய நாடாளுமன்ற மக்களவைத் தேர்தலில் இரண்டு இலட்சம் வாக்குகள் வித்தியாசத்தில் வென்றார். தேர்ந்தெடுக்கப்பட்டார்.^[9] 2002-இல் அடல் பிகாரி வாஜ்பாய் அமைச்சரவையில், இந்திய நடுவண் அரசின் தொழிலாளர் மற்றும் வேலைவாய்ப்புத் துறை அமைச்சராகப் பதவி வகித்தார்.

இதனையும் காண்க

• பாரதிய ஜனதா கட்சியின் முதலமைச்சர்கள் பட்டியல்
• தில்லி முதல்வர்கள்

மேற்கோள்கள்

1. "List of Office Bearers". BJP. Archived from the original on 8 ஏப்ரல் 2007. பார்க்கப்பட்ட நாள் 1 July 2007. {{cite web}}: Check date values in: |archivedate= (help)
2. "Biographical Sketch Member of Parliament 13th Lok Sabha". Archived from the original on 2013-06-01. பார்க்கப்பட்ட நாள் 2017-01-15.
3. Ranjan, Amitav (21 September 2003). "Sahib Singh wanted to visit Serbia to meet fellow Jats". The Indian Express. http://www.indianexpress.com/oldStory/31955/. பார்த்த நாள்: 11 May 2013.
4. Tribune News Service (23 September 2007). "Navjot Sidhu calls for Jat unity". The Tribune (Chandigarh) (Dharamsala). http://www.tribuneindia.com/2007/20070924/himachal.htm#5. பார்த்த நாள்: 26 February 2013.
5. http://www.amu.ac.in/pro.jsp?did=10065&lid=Prominent%20Alumni
6. https://www.quora.com/Why-is-Aligarh-Muslim-University-AMU-so-communal
7. "Former Delhi CM Sahib Singh Verma dies in road accident". Deccan Herald. 30 June 2007 இம் மூலத்தில் இருந்து 2 ஜூலை 2007 அன்று. பரணிடப்பட்டது.. https://web.archive.org/web/20070702164015/http://www.deccanherald.com/Content/Jun302007/national2007063010305.asp?section=updatenews. பார்த்த நாள்: 4 July 2007.
8. The Hindu ^{[தொடர்பிழந்த இணைப்பு]}
9. Swarup, Harihar (10 October 1999). "Long-standing rivals now compete for Cabinet berths" (Editorial). Tribune India. http://www.tribuneindia.com/1999/99oct10/edit.htm.

வெளி இணைப்புகள்

• Kulkarni, Raju (16 September 1999). "The Sahib Singh Verma Chat". Rediff on the NeT இம் மூலத்தில் இருந்து 7 ஆகஸ்ட் 2013 அன்று. பரணிடப்பட்டது.. https://web.archive.org/web/20130807084859/http://www.rediff.com/chat/sahichat.htm.