![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/35/%25C3%2587anakkale_1915_Bridge_%2528210128-N-BM428-0068%2529_%2528cropped%2529.jpg/640px-%25C3%2587anakkale_1915_Bridge_%2528210128-N-BM428-0068%2529_%2528cropped%2529.jpg&w=640&q=50)
1915 சனாக்கலே பாலம்
From Wikipedia, the free encyclopedia
1915 சனாக்கலே பாலம் (1915 Çanakkale Bridge, துருக்கியம்: 1915 Çanakkale Köprüsü), அல்லது தார்தனெல்லி பாலம் (Dardanelles Bridge, துருக்கியம்: Çanakkale Boğaz Köprüsü), என்பது வடமேற்குத் துருக்கியில் சனாக்கலே மாகாணத்தில் அமைந்துள்ள ஒரு சாலைத் தொங்கு பாலம் ஆகும். இப்பாலம் மர்மாரா கடலுக்குத் தெற்கே கிட்டத்தட்ட 10 கிமீ (6.2 மைல்) தொலைவில் உள்ள தார்தனெல்லி நீரிணையைக் கடந்து செல்கிறது.[1]
1915 சனாக்கலே பாலம் Çanakkale Bridge Dardanelles Bridge | |
---|---|
![]() | |
2021 சனவரியில் பாலம் கட்டுமானம் | |
அதிகாரப் பூர்வ பெயர் | 1915 சனாக்கலே கோப்ரூசூ |
போக்குவரத்து | 6 வழித்தடங்கள் ஒவ்வொரு பக்கத்திலும் பராமரிப்பு நடைபாதைகள் உள்ளன |
தாண்டுவது | தார்தனெல்லி நீரிணை |
இடம் | கனக்கலே மாகாணம், துருக்கி |
வடிவமைப்பு | தொங்கு பாலம் |
மொத்த நீளம் | 4,608 மீ (15,118 அடி) |
அகலம் | 45.06 மீ (148 அடி) |
உயரம் | 334 மீ (1,096 அடி) |
அதிகூடிய அகல்வு | 2,023 மீ (6,637 அடி) |
Clearance below | 70 மீ (230 அடி) |
கட்டுமானம் தொடங்கிய தேதி | மார்ச் 2017[1] |
கட்டுமானம் முடிந்த தேதி | 26 பெப்ரவரி 2022 |
திறப்பு நாள் | 18 மார்ச்சு 2022; 2 ஆண்டுகள் முன்னர் (2022-03-18) |
சுங்கத் தீர்வை | ₺200[2] |
அமைவு | 40°20′24″N 26°38′10″E |
சனாக்கலே பாலம் 321-கிலோமீட்டர் நீள (199 மைல்) US$2.8 பில்லியன் செலவில் திட்டமிடப்பட்டுள்ள கினாலி-பலிக்கேசிர் விரைவுச் சாலையின் மையப் பகுதியில் அமைக்கப்பட்டுள்ளது. இது கிழக்கு திரேசில் உள்ள O-3 மற்றும் O-7 பெருஞ்சாலைகளை அனத்தோலியாவில் உள்ள O-5 பெருஞ்சாலையுடன் இணைக்கிறது. 2,023 மீ (6,637 அடி) நீளம் கொண்ட இந்தப் பாலம் சப்பானில் உள்ள அகாசி கைக்ஜோ பாலத்தைவிட 32 மீ (105 அடி) நீண்டிருப்பதால், உலகின் மிக நீளமான தொங்கு பாலமாக உள்ளது.[3]
இப்பாலத்தை 2022 மார்ச் 18 இல் துருக்கிய அரசுத்தலைவர் ரசிப் தைய்யிப் எர்டோகன் அதிகாரபூர்வமாகத் திறந்து வைத்தார்.[4] இந்தப் பாலம் தார்தனெல்சு நீரிணை மீதுள்ள முதலாவது நிலையான கடக்கும் பாலமும்,[5] துருக்கிய நீரிணைகளின் குறுக்கே உள்ள ஆறாவது பாலமுமாகு. ஏனையவை பொசுபோரசு நீரிணை மீதுள்ள மூன்று பாலங்களும், அதன் கீழ் உள்ள இரண்டு சுரங்கங்களும் ஆகும்.[6]