![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/ta/thumb/4/4b/Hong_Kong_Lists.jpg/640px-Hong_Kong_Lists.jpg&w=640&q=50)
ஹொங்கொங் சுரங்கப் பாதைகளின் பட்டியல்
விக்கிப்பீடியா:பட்டியலிடல் / From Wikipedia, the free encyclopedia
ஹொங்கொங் சுரங்கப் பாதைகள் அல்லது ஹொங்கொங் சுரங்கப் பாதைகளின் பட்டியல் (List of tunnels in Hong Kong) என்பது ஹொங்கொங் வாகன போக்குவரத்துத் துறையில் மலைகளைக் குடைந்தும், கடலுக்கு அடியால் பாரிய குழாய் வடிவிலான கட்டுமானப் பணிகளை மேற்கொண்டும் உருவாக்கப்பட்ட சுரங்கப் பாதைகளாகும். இந்த சுரங்கப் பாதைகளின் உருவாக்கம் ஹொங்கொங் போக்குவரத்து துறையில் வாகன நெறிசல் அதிகரிப்பின் காரணமாக எழுந்தப் பிரச்சினைகளுக்கு ஒரு தீர்வாக அமைந்தது எனலாம். இந்தச் சுரங்கப் பாதைகளில் சில கடலடிச் சுரங்கப் பாதைகள் ஆகும். ஏனையவை மலைகளை குடைந்து அமைக்கப்பட்ட சுரங்கப் பாதைகளாகும்.
ஹொங்கொங் பட்டியல்கள் |
---|
![]() |
பட்டியல்கள் |
நூலகங்கள் |
ஹொங்கொங் |
தொகு |
![Thumb image](http://upload.wikimedia.org/wikipedia/commons/thumb/9/94/Eastern_Harbour_Tunnel.jpg/640px-Eastern_Harbour_Tunnel.jpg)
![Thumb image](http://upload.wikimedia.org/wikipedia/commons/thumb/a/aa/HK_Cross_Harbour_Tunnel.jpg/640px-HK_Cross_Harbour_Tunnel.jpg)
இந்த சுரங்கப் பாதைகளின் உள்ளே அவசர ஆபத்து அல்லது விபத்துக்களின் போது முன்னெச்சரிக்கை பாதுக்காப்பு பாதுகாப்பு நடவடிக்கைக்காக; ஒக்சிசன் வசதி, அவசர தீயணைப்பு வசதி, உடனடி முதலுதவி, போன்றவற்றையும் கொண்டுள்ளன. அத்துடன் இச்சுரங்கங்களின் உள்ளே இருளாக அல்லாமல், சுரங்கத்தின் உற்பகுதி மின்விளக்குகளால் ஒளிக்கோலமாக இரவு, பகல் வேறுபாடின்றி காணக்கூடியதாக உள்ளன.[1] [2] சுரங்கத்தின் பக்கச் சுவர்கள் பொருத்து அட்டைகளால் வடிவமைக்கப் பட்டவைகளாக உள்ளன.[3] பக்க சுவர்களில் அவசர தேவையின் போது மக்கள் பாதுக்காப்பாக வெளியேறுவதற்கான மாற்று வழிகளும் உள்ளன.