விதிர்நிலைப் பயில்வுகள்
From Wikipedia, the free encyclopedia
விதிர்நிலைப் பயில்வுகள் (Queer studies), பாலியல் பன்மைப் பயில்வுகள் (sexual diversity studies), அல்லது பெயர்பாலினப் பயில்வுகள் (LGBT studies) என்பது பாலியல் சார்புநிலைகள், பாலியல் அடையாளம், பாலின அடையாளம் பற்றிய புலமாகும். குறிப்பாக, இப்புலம் இலெசுபியன், மகிழ்நர், இருபாலியல், பெயர்பாலினம், பாலின வலியுணர்வு, பாலுணர்வின்மை, விதிர்நிலைப் பாலினம், பாலுணர்வும் பாலினமும் சார்ந்த வினவல், பாலின ஊடுறவு, பெயர்பாலினப் பண்பாடுகள் ஆகிய கருப்பொருள்களைச் சார்ந்த சிக்கல்களை ஆய்வு செய்கிறது.[1]
முதலில் இப்புலம் பெயர்பாலின வரலாறு, இலக்கியக் கோட்பாடு ஆகியவற்றை மட்டும் மையப்படுத்தித் தொடங்கியது என்றாலும், இப்போது உயிரியல், சமூகவியல், மனநோய், மானிடவியல், அறிவியலின் வரலாறு ஆகிய அறிவியல் புலங்களில் எழும் பல சிக்கல்களையும் தன் கருப்பொருளின்கீழ் உள்ளடக்கி, விரிவுபடுத்தப்பட்டுள்ளது.[2] மெய்யியல்,உளவியல், பாலுணர்வியல், அரசியல், அறவியல், பிற புலங்களில் அடையாள ஆய்வு, வழ்க்கைநிலை, வரலாறு, பெயர்பாலினரின் புலன்காட்சி ஆகிய கருதுபொருள்களைச் சார்ந்து எழும் பாலியல் சிக்கல்களையும் ஆய்வு செய்கிறது. யேல் பல்களைக்கழகத்தின் இலெசுபியன், மகிழ்நர் பயில்வு சார்ந்த இலாரி கிரேமர் முன்முயற்சி ஆய்வுக் கட்டிலின் தலைவரான மரியான்னி இலப்பிரான்சு ,[3] " இப்போது நாம் ' ஒத்தபாலின உணர்வுக்கான காரணம் எது?' என்பதை மட்டுமன்றி, [மேலும்] ' கலப்புப் பாலின உணர்வுக்கான காரணம் எது?' , ' சிலர் கண்ணோட்டத்தில் ஏன் பாலுணர்வு இவ்வளவு ஆழமாக மையப்படுகிறது?' என வினவத் தொடங்கியுளோம் " எனக் கூறுகிறார்..[2]
விதிர்நிலைப் பயில்வுகள் என்பதும் மெய்யியலையும் இலக்கியக் கோட்பாட்டஈயும் மையப்படுத்திய பகுப்பாய்வான விதிர்நிலைக் கோட்பாடு என்பதும் ஒத்தவையல்ல; முன்னது, சமூகப் புனைவான பாலியல் அடையாளம் குறித்த கருத்தினங்களை உய்யநிலையில் கேள்விகேட்டு அறைகூவல் விடுக்கும் அறிவுப் புலமாகும்.[2]