![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/18/Supplementary_angles2.svg/langta-640px-Supplementary_angles2.svg.png&w=640&q=50)
மிகைநிரப்பு கோணங்கள்
From Wikipedia, the free encyclopedia
வடிவவியலில் இரு கோணங்களின் கூட்டுத்தொகை 180° எனில் அவை மிகைநிரப்பு கோணங்கள்(supplementary angles) ஆகும். இரு மிகைநிரப்பிக் கோணங்கள் அடுத்துள்ள கோணங்களாக இருந்தால் (உச்சிப் புள்ளிகள் ஒன்றாகவும் ஒரு கரம் பொதுவாகவும் உள்ள கோணங்கள்) அவற்றின் பொதுவில்லாத கரங்கள் இரண்டும் ஒரே நேர்கோட்டில் அமையும். 135° கோணத்தின் மிகைநிரப்பு கோணம் 45° ஆகும். பொதுவாக, x° கோணத்தின் மிகைநிரப்பு கோணம் (180 -x)° ஆகும். மிகைநிரப்பிக் கோணங்கள் ஒரே நேர்கோட்டில்தான் அமைய வேண்டும் என்றில்லை. வெளியில், அவை வெவ்வேறு இடங்களிலும் அமையலாம். எடுத்துக்காட்டாக, இணைகரத்தின் அடுத்துள்ள கோணங்கள் மிகைநிரப்பு கோணங்களாகும்.
![Thumb image](http://upload.wikimedia.org/wikipedia/commons/thumb/1/18/Supplementary_angles2.svg/320px-Supplementary_angles2.svg.png)