மார்வெல் திரைப் பிரபஞ்சம்
From Wikipedia, the free encyclopedia
மார்வெல் திரைப் பிரபஞ்சம் (ஆங்கில மொழி: Marvel Cinematic Universe) என்பது அமெரிக்க நாட்டு ஊடகத்தொகுப்பு மற்றும் பகிரப்பட்ட பிரபஞ்சம் ஆகும். இது மார்வெல் வரைகதைகளில் தோன்றும் கதாப்பாத்திரங்கள் பற்றி மார்வெல் இசுடியோசினால் சுயாதீனமாகத் தயாரித்து வெளியிடப்படும் பட வரிசைகளின் தொகுப்பாகும். மேலதிகமாக, வரைகதைகள், குறும்படங்கள், தொலைக்காட்சித் தொடர்கள் என்பனவும் இந்நாமத்தின் கீழ் தயாரிக்கப்படுகின்றன. மார்வெல் வரைகதைகளின் பாணியில் பல்வேறு கதாபாத்திரங்கள், கதையமைப்புகள் மற்றும் நடிகர்களைக் கொண்ட படங்களை உள்ளடக்கியதாக இது காணப்படுகிறது.
மார்வெல் திரைப் பிரபஞ்சம் | |
---|---|
வகை | மீநாயகன் |
உருவாக்கம் | மார்வெல் ஸ்டுடியோ |
இசை | மார்வெல் திரைப் பிரபஞ்சத்தின் இசை |
ஒளிபரப்பு | |
ஒளிபரப்பான காலம் | 2008-தற்போது வரை |
Chronology | |
தொடர்புடைய தொடர்கள் |
மார்வெல் திரைப் பிரபஞ்சத்தின் முதலாம் கட்டமாக 2008 இல் அயன் மேன்[1] வெளியீட்டில் தொடங்கி 2012 இல் தி அவேஞ்சர்ஸ்[2] வெளியீட்டில் முடிந்தது.[1] இரண்டாம் கட்டமாக 2013 இல் அயன் மேன் 3[3] வெளியீட்டில் தொடங்கி 2015 இல் ஆன்ட்-மேன் வெளியீட்டில் முடிந்தது. மூன்றாம் கட்டமாக 2016 இல் கேப்டன் அமெரிக்கா: சிவில் வார் வெளியீட்டில் தொடங்கி 2019 இல் இசுபைடர்-மேன்: பார் பிரம் ஹோம் வெளியீட்டில் முடிந்தது. இந்த மூன்று கட்டங்களையும் கூட்டாக தி இன்பினிட்டி சாகா என்று அழைக்கப்படுகின்றது. நான்காம் கட்டமாக 2021 இல் பிளாக் விடோ உடன் தொடங்கி 2022 ஆம் ஆண்டு வெளியான பிளாக் பான்தர்: வகாண்டா போரெவர் உடன் முடிந்தது. ஐந்தாம் கட்டமாக 2023 இல் ஆன்ட்-மேன் அண்ட் த வாஸ்ப்: குவாண்டுமேனியா உடன் தொடங்கி 2025 ஆம் ஆண்டு கேப்டன் அமெரிக்கா: பிரேவ் நியூ வேர்ல்டு வெளியீடுடன் முடிவடையும், மேலும் ஆறாம் கட்டமாக 2025 இல் பெண்டாஸ்டிக் ஃபோர் உடன் தொடங்கும்.
திரைப்படங்களோடு மட்டும் நின்றுவிடாமல் 2010 இல் மேற்குறிப்பிடப்பட்ட திரைப்படங்களுடன் தொடர்புடைய வரைகதைப் புத்தகங்களின் வெளியீட்டுடன் இது இன்னமும் விரிவுப்படுத்தப்பட்டது. மேலும் 2011 முதல் மார்வெல் ஒன்-சாட்சு என்ற பெயரின்கீழ் குறும்படங்களும் 2013 முதல் ஏஜென்ட்ஸ் ஒப் ஷீல்ட் எனும் பெயருடைய தொலைக்காட்சித் தொடரும் வெளியானது.
அமெரிக்காவிலும் உலகளவிலும் வசூலில் முதலிடம் பிடிக்கும் திரைப்படத் தொடர்களைக் கொண்டிருப்பதுடன், வரைகதைக் கதாபாத்திர உரிமங்களைக் கொண்டுள்ள பல்வேறு படங்கள் தமது சொந்தப் பிரபஞ்சத்தை அமைப்பதற்கு முன்னோடியாகவும் உள்ளது.