மக்கள் தொகை அடிப்படையில் ஈரான் நகரங்களின் பட்டியல்
விக்கிப்பீடியா:பட்டியலிடல் / From Wikipedia, the free encyclopedia
ஈரான் உலக ரீதியாக வளர்ந்து வரும் நகர மக்கள் தொகையைக் கொண்ட நாடுகளில் ஒன்றாகும். 1950 தொடக்கம் 2002 வரையில், ஈரானின் மக்கள் தொகை நகர்புற விகிதம் 27%இல் இருந்து 60%ஆக அதிகரித்துள்ளது.[1] தெகுரான் 8.2 மில்லியன் (2012 census) மக்கள் தொகையைக் கொண்டு ஈரானின் மிகப்பெரிய நகரமாகவும், தலைநகரமாகவும் விளங்குகிறது. தெகுரான் ஈரானின் 11% மக்கள் தொகையை தன்னகத்தே கொண்டுள்ளது. இதுவே ஈரானின் தொடர்பாடல் மற்றும் போக்குவரத்து வலையமைப்பின் மையமும் ஆகும்.[2]
மசுகாத் 2.4 மில்லியன் மக்கள் தொகையைக் கொண்டு ஈரானின் இரண்டாவது மிகப்பெரிய நகரமாக விளங்குகிறது. இது ராசாவி கோர்சரன் மாகாணத்தின் மையத்தில் அமைந்துள்ளது. இதுவே ஈரானின் சுற்றுலா மையமாக விளங்குகிறது, மற்றும் 15 தொடக்கம் 20 மில்லியன் யாத்ரீகர்கள் இமாம் ரேசா சன்னதிக்கு ஒவ்வொரு வருடமும் வந்து செல்கின்றனர். [3][4]
தப்ரிசு 2.2 மில்லியன் மக்கள் தொகையைக் கொண்டு ஈரானின் மூன்றாவது மிகப்பெரிய நகரமாக விளங்குகிறது. இது ஈரானில் தெகுரானிற்கு அடுத்ததாக இரண்டாவது இடம் வகிக்கும் தொழில்துறை நகரம் ஆகும்.