நீர் மறிமான்
ஆப்பிரிக்காவின் மறிமான் இனம் / From Wikipedia, the free encyclopedia
Teleostomi
நீர் மறிமான் Waterbuck | |
---|---|
உகாண்டாவின் இராணி எலிசெத் தேசியப் பூங்காவில் ஆண் மறிமான் | |
போட்சுவானாவின் சோப் தேசிய பூங்காவில் பெண் மறிமான் | |
உயிரியல் வகைப்பாடு | |
திணை: | விலங்கு |
தொகுதி: | |
வகுப்பு: | |
வரிசை: | |
குடும்பம்: | |
பேரினம்: | Kobus (antelope) |
இனம்: | K. ellipsiprymnus |
இருசொற் பெயரீடு | |
Kobus ellipsiprymnus (Ogilby, 1833) | |
Subspecies | |
See text | |
நீர்மறிமான் கிளையினங்களின் வாழிடம் |
நீர் மறிமான் ( Waterbuck ) என்பது சகாரா கீழமை ஆபிரிக்காவில் பரவலாக காணப்படும் ஒரு பெரிய மறிமான் ஆகும். இது மாட்டுக் குடும்பம் என்றும் கோபஸ் பேரினம் என்றும் வகைப்படுத்தப்பட்டுள்ளது. இது முதன்முதலில் ஐரிய இயற்கை ஆர்வலர் வில்லியம் ஓகில்பியால் 1833 இல் விவரிக்கப்பட்டது . இதன் 13 கிளையினங்கள் எலிப்சென்ப்ரிம்னஸ் நீர்மறிமான் மற்றும் டெபாசா நீர்மறிமான் என்ற இரண்டு வகைகளின் கீழ் தொகுக்கபட்டுள்ளன. இவற்றின் நீளம் பொதுவாக தலை மற்றும் உடல் என 177 மற்றும் 235 செமீ (70 மற்றும் 93 அங்குலம்) வரை இருக்கும். மேலும் நின்ற நிலையில் தரை முதல் தோள் வரை 120 முதல் 136 செமீ (47 மற்றும் 54 அங்குலம்) உயரம் வரை இருக்கும். இந்த மறிமான்கள் பால் ஈருருமை கொண்டவை. ஆண் மான்கள் பெண் மான்களை விட உயரமாகவும் கனமாகவும் இருக்கும். ஆண் மான்கள் தோராயமாக தோள்பட்டை வரை 127 செமீ (50 அங்குலம்) வரை வளர்கின்றன. பெண் மான்கள் 119 செமீ (47 அங்குலம்) வரை எட்டுகின்றன. ஆண் மான்களின் எடை பொதுவாக 198–262 கிலோ வரையும், பெண் மான்களின் எடை 161–214 கிலோ வரையும் இருக்கும். இவற்றின் உடல் நிறம் பழுப்பு நிறத்தில் இருந்து சாம்பல் நிறத்தில் வரை இருக்கும். இவற்றில் நீளமான, முறுக்கிய கொம்புகள், ஆண் மான்களுக்கு மட்டுமே இருக்கும். கொம்புகள் பின்னோக்கி வளைந்து, பின்னர் முன்னோக்கி வளைநுதவையாக இருக்கும். கொம்புகள் 55-99 செமீ (22-39 அங்குலம்) நீளம் கொண்டவை.
நீர் மறிமான்கள் கூட்டமாக வாழக்கூடியவை. ஒரு மந்தையில்.ஆறு முதல் 30 மான்களை வரை இருக்கும். இந்த மந்தைகளில் பெண்களும் அவற்றின் சந்ததிகள், குட்டிகள் அல்லது பருவ வயது அடையாத மான்கள் இருக்கும். ஆண் மான்கள் 5 வயதிலிருந்தே தங்களுக்கான ஒரு பிராந்திய எல்லையை வகுத்துக் கொண்டு வாழ்கின்றன. பிராந்திய எல்லைக்குள் ஆறு முதல் ஒன்பது வயது வரை அவை ஆதிக்கம் செலுத்துகிறன. நீர் மறிமான்கள் வெப்பமான காலநிலையில் உடலில் ஏற்படும் நீரிழப்பை பொறுத்துக்கொள்ள இயலாதவை. இதனால் இவை நீர் ஆதாரங்களுக்கு அருகிலேயே வசிக்கும். நீர் மறிமான்கள் பெரும்பாலும் புல்வெளிகளிலேயே காணப்படுகின்றன. இவற்றின் இனப்பெருக்கும் நில நடுக்கோடு பகுதிகளில், ஆண்டு முழுவதும் நடைபெறுகிறது. ஆனால் மழைக்காலத்தில் பிறப்பு விகிதம் உச்சத்தில் இருக்கும். இவற்றின் கர்ப்ப காலம் 7-8 மாதங்கள் ஆகும். அதைத் தொடர்ந்து ஒரு கன்று பிறக்கும்.
ஆறுகள், ஏரிகள், பள்ளத்தாக்குகளை ஒட்டிய புதர் மற்றும் சவன்னா பகுதிகளில் நீர் மறிமான்கள் வாழ்கின்றன. பன்னாட்டு இயற்கைப் பாதுகாப்புச் சங்கமானது நீர் மறிமான்களை தீவாய்ப்புக் கவலை குறைந்த இனம் என வகைபடுத்தியுள்ளது. மேலும் குறிப்பாக, பொதுவாக நீர் மறிமான்கள் குறைந்த அச்சுறுத்தல் கவலை உள்ளதாக பட்டியலிடப்பட்டுள்ளது. டெபாஸா நீர் மறிமான் அச்சுறு நிலையை அண்மித்த இனமாக உள்ளது. வேட்டையாடுதல் மற்றும் மனித இடையூறுகள் காரணமாக அவை சில வாழ்விடங்களில் இருந்து பெருமளவில் வெளியேற்றப்படுவதால், அவற்றின் எண்ணிக்கை குறைந்துவருகிறது.