![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/05/NYCborolabels.svg/langta-640px-NYCborolabels.svg.png&w=640&q=50)
நியூ யார்க் நகரத்தின் மாவட்டங்கள்
From Wikipedia, the free encyclopedia
நியூ யார்க் மாநிலத்திலுள்ள நியூயார்க் நகரம் ஐந்து பரோக்களால் ஆனது. இவை மன்ஹாட்டன், புருக்ளின், குயின்சு, பிரான்க்சு, மற்றும் இசுட்டேட்டன் தீவாகும். ஒவ்வொரு பரோ அல்லது மாவட்டமும் அமெரிக்காவின் மற்ற மாநிலங்களின் கவுன்ட்டிகளுக்கு இணையானவை. 1898இல் நகரம் ஒன்றிணைக்கப்பட்டபோது கவுன்ட்டி அரசுகள் கலைக்கப்பட்டன; கூடவே கவுன்ட்டியின் அனைத்து நகர, ஊரக,சிற்றூர் அரசுகளும் கலைக்கப்பட்டன.
![Thumb image](http://upload.wikimedia.org/wikipedia/commons/thumb/0/05/NYCborolabels.svg/320px-NYCborolabels.svg.png)
புதியதாக ஒன்றிணைக்கப்பட்ட நகரத்தின் ஐந்து அடிப்படை அங்கங்களாக அமைந்த இவற்றின் தனித்தன்மை வாயந்த அரசாண்மையை வரையறுக்கும் வண்ணம் பரோ என்ற பெயர் ஏற்கப்பட்டது. நியூயார்க் நகரத்தின் பரோக்கள் கனெடிகட், நியூ செர்சி, பென்சில்வேனியா, அலாஸ்கா மற்றும் பிற அமெரிக்க மாநிலங்களிலும் இலண்டன் பெருநகர்ப் பகுதியிலும் வழங்கப்படும் பரோக்களின் தன்மையிலிருந்து மாறுபட்டவை.