தி கார் மாகாணம்
ஈராக்கின் மாகாணம் / From Wikipedia, the free encyclopedia
தி கர் கவர்னரேட் அல்லது தி கர் மாகாணம் (Dhi Qar Governorate அரபு மொழி: ذي قار ) என்பது தெற்கு ஈராக்கில் உள்ள ஒரு மாகாணம் ஆகும். இந்த மாகாணத்தின் தலைநகராக நசிரியா உள்ளது. 1976 க்கு முன்னர் இந்த மாகாணம் முந்தாஃபிக் மாகாணம் என்று அழைக்கப்பட்டது. பண்டைய ஈராக்கிய நாகரிகமான சுமேரியாவின் மையப்பகுதியாக தி கார் மாகாணம் இருந்தது, மேலும் இந்த மாகாணத்தில் ஊர், எரிது, லகாசு, லார்சா, கிர்சு, உம்மா, பேட்-திபிரா போன்ற வரலாற்றுசிறப்புமிக்க இடிபாடுகள் அடங்கியுள்ளன. மாகாணத்தின் தெற்கு பகுதி மெசொப்பொத்தேமியாவின் சதுப்பு நிலங்களால் சூழப்பட்டுள்ளது.