சிறந்த ஆண் பின்னணிப் பாடகருக்கான தேசியத் திரைப்பட விருது
இந்தியத் திரைப்பட விருது / From Wikipedia, the free encyclopedia
சிறந்த ஆண் பின்னணிப் பாடகருக்கான தேசியத் திரைப்பட விருது (National Film Award for Best Male Playback Singer) 1967 முதல், ஒவ்வொரு ஆண்டும் நடைபெறும் இந்திய தேசியத் திரைப்பட விருதுகள் விழாவில் அந்தந்த ஆண்டில் வெளிவந்த இந்தியத் திரைப்படங்களில் பின்னணி பாடிய ஆண் பாடகர்களில் சிறந்தவரைத் தேர்ந்தெடுத்து வழங்கி சிறப்பிக்கப்படுகிறது. இவ்விருதினைப்பெற்ற முதல் பின்னணிப் பாடகர் மகேந்திர கபூர் (1967) ஆவார். கே. ஜே. யேசுதாஸ் அதிகமுறை (ஏழு முறை) இவ்விருதுபெற்றவராவார். இவரது இவ்விருதுபெற்ற பாடல்கள் மலையாளம், தெலுங்கு இந்தி என மூன்று மொழிகளிலும் அமைந்தவை. இவருக்கு அடுத்ததாக எஸ். பி. பாலசுப்பிரமணியம் இந்தி, கன்னடம், தமிழ், தெலுங்கு ஆகிய நான்கு மொழிகளில் பாடிய பாடல்களுக்கு ஆறுமுறை இவ்விருதினைப் பெற்று இரண்டாம்நிலையிலும், சங்கர் மகாதேவன் மற்றும் உதித் நாராயண் இருவரும் மூன்றுமுறை இவ்விருது வென்று மூன்றாம் நிலையிலும் உள்ளனர். மன்னா தே, ஹேமந்த குமார், எம். ஜி. சிறீகுமார், அரிகரன் ஆகியோர் இருமுறை இவ்விருது பெற்றுள்ளனர்.
சிறந்த ஆண் பின்னணிப் பாடகருக்கான தேசியத் திரைப்பட விருது | ||
விருது குறித்தத் தகவல் | ||
---|---|---|
வகை | தேசிய விருது | |
பகுப்பு | இந்தியத் திரைப்படத்துறை | |
நிறுவியது | 1967 | |
முதலில் வழங்கப்பட்டது | 1967 | |
கடைசியாக வழங்கப்பட்டது | 2015 | |
மொத்தம் வழங்கப்பட்டவை | 51 | |
வழங்கப்பட்டது | திரைப்பட விழாக்களின் இயக்ககம், இந்தியா | |
நிதிப் பரிசு | ₹50,000 (US$630) | |
பதக்கம் | வெள்ளித் தாமரை | |
விவரம் | ஆண்டின் சிறந்த ஆண் பின்னணிப் பாடகருக்கான தேசியத் திரைப்பட விருது | |
முந்தைய பெயர்(கள்) | ஆண்டின் சிறந்த ஆண் பின்னணிப் பாடகர் (1967) | |
முதல் வெற்றியாளர்(கள்) | மகேந்திர கபூர் |