மலேசிய அரசியல்வாதி From Wikipedia, the free encyclopedia
சார்லசு சந்தியாகோ (Charles Anthony s/o R. Santiago; மலாய்: Charles Anthony Santiago; சீனம்: 查尔斯圣地亚哥) (பிறப்பு: 1 நவம்பர் 1960) என்பவர் பாக்காத்தான் (Pakatan Harapan) கூட்டணியின் ஓர் உறுப்புக் கட்சியான ஜனநாயக செயல் கட்சி (Democratic Action Party) சார்ந்த மலேசிய அரசியல்வாதி.
சார்லசு சந்தியாகோ Yang Berbahagia YB Tuan Charles Santiago | |
---|---|
சிலாங்கூர் கிள்ளான் தொகுதியின் நாடாளுமன்ற உறுப்பினர் | |
பதவியில் 8 மார்ச் 2008 – 19 நவம்பர் 2022 (14 ஆண்டுகள்) | |
பெரும்பான்மை | 17,701 (2008) 24,685 (2013) 78,773 (2018) |
தேசிய நீர் சேவைகள் ஆணைய தலைவர் (Chairman National Water Services Commission) | |
பதவியில் உள்ளார் | |
பதவியில் 20 மார்ச் 2023 | |
மனித உரிமைகள் மற்றும் அரசியலமைப்பு விவகாரங்கள் தேர்வுக் குழுத் தலைவர் | |
பதவியில் 4 டிசம்பர் 2019 – 19 நவம்பர் 2022 | |
தனிப்பட்ட விவரங்கள் | |
பிறப்பு | சார்லசு அந்தோனி சந்தியாகோ (Charles Anthony s/o R. Santiago) 1 நவம்பர் 1960 சிலாங்கூர், மலேசியா |
குடியுரிமை | மலேசியர் |
தேசியம் | மலேசியா |
அரசியல் கட்சி | ஜனநாயக செயல் கட்சி (DAP) |
பிற அரசியல் தொடர்புகள் | பாக்காத்தான் ராக்யாட் (PR) (2008–2015) பாக்காத்தான் ஹரப்பான் (PH)(2015) |
முன்னாள் கல்லூரி | நியூயார்க் சமூக ஆய்வுப் பல்கலைக்கழகம்[1] |
வேலை | அரசியல்வாதி |
இவர் மலேசிய நாடாளுமன்றத்தின் கிள்ளான் தொகுதியின் நாடாளுமன்ற உறுப்பினர் ஆவார். 8 மார்ச் 2008-இல் இருந்து 19 நவம்பர் 2022 வரையில், ஏறக்குறைய 14 ஆண்டுகள் நாடாளுமன்ற உறுப்பினராகப் பணி புரிந்துள்ளார்.
சீனர்கள் மிகுதியாக வாழும் கிள்ளான் தொகுதியில் நன்கு செல்வாக்கு பெற்றவராக அறியப்படுகிறார்.
இவர் நவம்பர் 2018 முதல் ஏப்ரல் 2023 வரையில், பதவியில் இருந்து நீக்கப்படும் வரை தேசிய நீர் சேவைகள் ஆணையத்தின் (National Water Services Commission) (SPAN) தலைவராகப் பணியாற்றியுள்ளார்.[2][3]
தென்கிழக்கு ஆசிய நாடுகளின் நாடாளுமன்ற உறுப்பினர்களுக்கான மனித உரிமைகள் கூட்டமைப்பின் (Association of Southeast Asian Nations Parliamentarians for Human Rights) தலைவராகவும் உள்ளார்.[4][5] அத்துடன் அவர் டிசம்பர் 2019 முதல் நவம்பர் 2022 வரை பன்னாட்டு மனித உரிமைகள் மற்றும் அரசியலமைப்பு விவகாரங்கள் தேர்வுக் குழுவின் தலைவராகவும் பணியாற்றி உள்ளார்.
2008-ஆம் ஆண்டு மலேசியப் பொதுத் தேர்தலில் ஆளும் பாரிசான் நேசனல் (Barisan Nasional) கூட்டணிக்கு எதிராகப் போட்டியிட்டு; கிள்ளான் தொகுதியில் வெற்றிபெற்ற சார்லசு சந்தியாகோ மலேசிய நாடாளுமன்றத்திற்கு முதன்முறையாகத் தேர்ந்தெடுக்கப்பட்டார். தேர்தலுக்கு முன்னர், சந்தியாகோ ஒரு பொருளாதார நிபுணராகப் பணியாற்றி வந்தார்.[6]
அவர் தனியார் நீர் மயமாக்கலுக்கு எதிரான கூட்டணி; மற்றும் மலேசியாவின் உலகமயமாக்கல் நிலைத்தன்மையை கண்காணிப்பது (Coalition Against Water Privatisation and Monitoring Sustainability of Globalisation Malaysia) போன்ற அரசு சாரா நிறுவனங்களுக்காகப் பணியாற்றினார்.
இரண்டாவது முறையாக 2013-ஆம் ஆண்டு மலேசியப் பொதுத் தேர்தலிலும்; மூன்றாவது முறையாக 2018-ஆம் ஆண்டு மலேசியப் பொதுத் தேர்தலிலும் கிள்ளான் தொகுதிக்கான நாடாளுமன்ற உறுப்பினராக மீண்டும் தேர்ந்தெடுக்கப்பட்டார்.
ஆண்டு | வாக்குகள் | % | போட்டியாளர் | வாக்குகள் | % | வாக்குகள் | பெரும்பான்மை | வாக்களித்தவர்கள் | |||
---|---|---|---|---|---|---|---|---|---|---|---|
2008 | சார்லசு சந்தியாகோ (ஜசெக) | 37,990 | 65.18% | சிங் டோ எங் (Ch'ng Toh Eng) (மசீச) |
20,289 | 34.81% | 59,323 | 17,701 | 76.23% | ||
2013 | சார்லசு சந்தியாகோ (ஜசெக) | 53,719 | 64.82% | தே கிம் பூ (Teh Kim Poo) (மசீச) |
29,034 | 35.04% | 84,214 | 24,685 | 86.75% | ||
2018 | சார்லசு சந்தியாகோ (ஜசெக) | 98,279 | 77.34% | சிங் இயூ பூன் (Ching Eu Boon) (மசீச) |
19,506 | 15.35% | 128,536 | 78,773 | 86.06% | ||
கைருல் சா அப்துல்லா (Khairul Shah Abdullah) (பாஸ்) |
9,169 | 7.22% | |||||||||
புவனந்தரன் கணேசமூர்த்தி (Puvananderan Ganasamoorthy) (சுயேச்சை) |
120 | 0.09% |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.