பாக்காத்தான் ராக்யாட்

பாக்காத்தான் ராக்யாட் (மலாய்: Pakatan Rakyat (PR); ஆங்கிலம்: People's Alliance; சீன மொழி: 人民聯盟); என்பது மலேசியாவில் ஒரு முறைசாரா மலேசிய அரசியல் கூட்டணி ஆகும். முன்னாள் மாற்று முன்னணி கூட்டணிக்குப் பதிலாக இந்தக் கூட்டணி உருவாக்கப்பட்டது.

பாக்காத்தான் ராக்யாட் Pakatan Rakyat People's Alliance
சுருக்கக்குறி	PR
தலைவர்	டத்தோ ஸ்ரீ அன்வார் இப்ராகிம்
குறிக்கோளுரை	ஒன்றுபடுங்கள், மாறுங்கள், ஆசீர்வதியுங்கள் Berpadu, Berubah, Berkat
தொடக்கம்	1 ஏப்ரல் 2008
கலைப்பு	16 சூன் 2015
முன்னர்	மாற்று முன்னணி
பின்னர்	பாக்காத்தான் அரப்பான், காகாசான் செசத்திரா
தலைமையகம்	பெட்டாலிங் ஜெயா, மலேசியா (பிகேஆர்) கோலாலம்பூர், மலேசியா (ஜசெக & பாஸ்) கூச்சிங், மலேசியா (சரவாக் தேசிய கட்சி)
செய்தி ஏடு	Suara Keadilan; The Rocket; Harakah
உறுப்பினர்	மக்கள் நீதிக் கட்சி (PKR) ஜனநாயக செயல் கட்சி (DAP) மலேசிய இசுலாமிய கட்சி (PAS) சரவாக் தேசிய கட்சி (SNAP) ஏப்ரல் 2010 - மே 2011
கொள்கை	சமூக மக்களாட்சி சமூக தாராளவாதம் சமூக நீதி
அரசியல் நிலைப்பாடு	மத்திம இடதுசாரி
நிறங்கள்	ஆரஞ்சு; வெள்ளை
தேர்தல் சின்னம்
இணையதளம்
pakatanrakyat.my

இந்த அரசியல் கூட்டணி மலேசியாவின் 12 வது மலேசிய பொது தேர்தலுக்கு பின்னர், அதாவது ஏப்ரல் 1, 2008 அன்று, மக்கள் நீதிக் கட்சி, ஜனநாயக செயல் கட்சி, மலேசிய இஸ்லாமிய கட்சி ஆகியவை சேர்ந்து அமைத்த கூட்டணியாகும்.^[1]

பின்னர், 2015-ஆம் ஆண்டில் அமாணா (தேசிய நம்பிக்கை கட்சி)யும், ஜனநாயக செயல் கட்சியும், மக்கள் நீதிக் கட்சியும் ஒன்றிணைந்து, பாக்காத்தான் அரப்பான் கூட்டணியை உருவாக்கின.

பொது

12-ஆவது மலேசிய பொது தேர்தல்லில் எதிர்கட்சிகள் மலேசியாவின் ஐந்து மாநிலங்களைக் கைப்பற்றின. அவை கிளாந்தான், கெடா, பினாங்கு, பேராக், சிலாங்கூர் ஆகும். மற்றும் மலேசிய நாடாளுமன்றத்தில் பாரிசான் நேசனல்லின் மூன்றுக்கு இரண்டு பெரும்பான்மையை இழக்கச் செய்தன.

அதன் பின்னர் எதிர்கட்சிகள் இணைந்து அந்த ஐந்து மாநிலங்களிலும் பக்காத்தான் ராக்யாட் அரசாங்கத்தை உருவாக்கி ஆட்சி செய்தன. ஆனால் 2009 பிப்ரவரியில், மூன்று பக்காத்தான் ராக்யாட் சட்டமன்ற உறுப்பினர்கள், பாரிசான் நேசனல் கூட்டணிக்கு ஆதரவு தெரிவித்து சுயேச்சை உறுப்பினர்களாக மாறியதால் பாக்காத்தான் ராக்யாட் பேராக் மாநில நிர்வாகத்தை இழந்தது.

கொள்கைகள்

மக்கள் நீதிக் கட்சி

ஜனநாயக செயல் கட்சி

மலேசிய இஸ்லாமிய கட்சி

பக்காத்தான் ராக்யாட் அடிப்படை கட்டமைப்பு கொள்கைகள்:

• வெளிப்படையான மற்றும் உண்மையான ஜனநாயகம்
• உயர் செயல்திறன், நிலையான, ​​மற்றும் சம பொருளாதாரம்
• மத்திய, மாநில உறவு மற்றும் வெளியுறவு கொள்கை

பக்காத்தான் ராக்யாட் "ஆரஞ்சு புத்தகம்", மூலம் தமது கொள்கையை முன்னெடுத்து வைத்துள்ளது.

உறுப்பு கட்சிகள்

• மக்கள் நீதிக் கட்சி
• ஜனநாயக செயல் கட்சி
• மலேசிய இசுலாமிய கட்சி
• சரவாக் தேசிய கட்சி (2010-2011)

பக்காத்தான் ராக்யாட் மாநில அரசுகள்

• கிளாந்தான்
• பினாங்கு
• சிலாங்கூர்

பொது தேர்தல் முடிவுகள்

தேர்தல்	மொத்த இடங்கள்	மொத்த வாக்குகள்	வாக்குகள் பகிர்	தேர்தல் முடிவு	தலைவர்
2008	82 / 222	3,796,464	46.75%	61 இடங்கள்; எதிர்க்கட்சி	வான் அசிசா வான் இஸ்மாயில்
2013	89 / 222	5,623,984	50.87%	7 இடங்கள்; எதிர்க்கட்சி	அன்வார் இப்ராகிம்

இந்தியப் பிரதிநிதிகள்

• கெடா
  • பி17 -பாடாங் செராய் - சுரேந்திரன் நாகராஜன் - மக்கள் நீதிக் கட்சி

• பினாங்கு
  • பி46 – பத்து காவான் – கஸ்தூரி பட்டு – ஜனநாயக செயல் கட்சி
  • பி51 - புக்கிட் குளுகோர் ஜோர்ஜ் டவுன் – கர்பால் சிங் – ஜனநாயக செயல் கட்சி

• பேராக்
  • பி62 – சுங்கை சிப்புட் – ஜெயக்குமார் தேவராஜ் – மக்கள் நீதிக் கட்சி
  • பி65 - மேற்குஈப்போ -எம். குலசேகரன் – ஜனநாயக செயல் கட்சி
  • பி66 – பத்து காஜா – வி. சிவகுமார் – ஜனநாயக செயல் கட்சி

• சிலாங்கூர்
  • பி103 – பூச்சோங் – கோவிந்த் சிங் தியோ – ஜனநாயக செயல் கட்சி
  • பி107 - சுபாங் - சிவராசா ராசையா – மக்கள் நீதிக் கட்சி
  • பி109 - காப்பார் - ஜி மணிவண்ணன் - மக்கள் நீதிக் கட்சி
  • பி110 – கிள்ளான் - சார்ல்ஸ் சந்தியாகோ - ஜனநாயக செயல் கட்சி

மேலும் பார்க்க

• பாரிசான் நேசனல்
• மலேசியப் பொதுத் தேர்தல், 2013
• பாக்காத்தான் ஹரப்பான்

மேற்கோள்கள்

1. Pakatan Rakyat – logical next step of March 8 political tsunami.

வெளி இணைப்புகள்