சம்தா பிரசாத்
From Wikipedia, the free encyclopedia
பண்டிட் சம்தா பிரசாத் (Samta Prasad) (20 சூலை 1921 - 1994) பனாரசு கரானாவைச் (பள்ளி) சேர்ந்த ஒரு இந்திய பாரம்பரிய இசைக்கலைஞரும், கைம்முரசு இணைக் கலைஞருமாவார்.[1] மேரி சூரத் தேரி அங்கென் (1963) மற்றும் சோலே (1975) உள்ளிட்ட பல பாலிவுட் படங்களில் இவர் கைம்முரசு இணையை வாசித்துள்ளார். மேலும் திரைப்பட இசையமைப்பாளர் ராகுல் தேவ் பர்மன் இவரது சீடர்களில் ஒருவராவார்.[2]
சம்தா பிரசாத் | |
---|---|
![]() ஒரு நிகழ்ச்சியில் சித்தார் கலைஞர் சாகித் பர்வேசுவுடன் சம்தா பிரசாத் | |
பின்னணித் தகவல்கள் | |
இயற்பெயர் | சமதா பிரசாத் மிசுரா |
பிற பெயர்கள் | குடாய் மகாராஜ் |
பிறப்பு | (1921-07-18)18 சூலை 1921 |
பிறப்பிடம் | வாரணாசி, உத்தரப் பிரதேசம் |
இறப்பு | 1994 (வயது 73) |
இசை வடிவங்கள் | இந்திய பாரம்பரிய இசை |
இசைக்கருவி(கள்) | கைம்முரசு இணை |
இவர் பச்சா மிசுரா என்றும் அழைக்கப்படும் பண்டிட் அரி சுந்தரின் மகனாவார். இவரது தாத்தா பண்டிட். ஜெகந்நாத் மிசுரா, இவரது மூதாதையர்கள் பண்டிட். குடாய் மகாராஜ் என்றும் அழைக்கப்படும் பிரதாப் மகாராஜ் ஆகியோரும் திறமையான இசைக்கலைஞர்கள் ஆவர்.[3]
1979 ஆம் ஆண்டில் இந்தியாவின் தேசிய இசை, நடனம் மற்றும் நாடக அகாதமியான சங்கீத நாடக அகாதமி, இவருக்கு சங்கீத நாடக அகாதமி விருதினை வழங்கியது. 1991இல் இந்திய அரசிடமிருந்து பத்ம பூசண் விருதினையும் பெற்றுள்ளார்.[4][5]