கருப்பைவாய் புறவணியிழையிடை புதுப்பெருக்கு
From Wikipedia, the free encyclopedia
கருப்பைவாய் புறவணியிழையிடைப் புதுப்பெருக்கு (Cervical intraepithelial neoplasia, CIN), அல்லது கருப்பைவாய் இயல்பிறழ் வளர்ச்சி , கருப்பைவாய் இடைநார்த்திசு இயல்பிறழ் வளர்ச்சி என்று கருப்பைவாயின் மேற்புறத்திலுள்ள செதிள் உயிரணுக்களின் இயல்பிற்கு மாறான பெருக்கமும் புற்றுநோய் வர வாய்ப்புள்ள மாறுதல்களும் குறிப்பிடப்படுகின்றன.[1] இந்த நிலை புற்றுநோய் அல்ல; மேலும் பொதுவாக குணமாக்கக் கூடியவை.[2] மிகப் பெரும்பாலான பேருக்கு நிலையாக இருக்கிறது அல்லது நோயாளியின் நோய் எதிர்ப்பாற்றலால் எந்தவொரு சிகிட்சையுமின்றி சரியாகி விடுகிறது. இருப்பினும் மிகக் குறைந்த பேருக்கு கருப்பை வாய்ப் புற்றுநோயாக உருவெடுக்கிறது.[3] பால்வினை மூலம் உட்புகுந்த மனித சடைப்புத்துத் தீ நுண்மங்களால் (HPV) (குறிப்பாக உயர் நேரிடர் எச்பிவி வகைகள் 16 அல்லது 18), கருப்பைவாய் நெடுநாட்களான நோய்த்தொற்று இந்த நோய்க்கான முதன்மையான காரணியாக அறியப்படுகிறது.