ஒல்லாந்து
From Wikipedia, the free encyclopedia
ஒல்லாந்து (Holland, ஹாலந்து) என்பது ஒரு புவியியல் நிலப்பரப்பும்,[2] நெதர்லாந்தின் மேற்குக் கடற்கரையில் உள்ள முன்னாள் மாகாணமும் ஆகும்.[2] 10 ஆம் நூற்றாண்டு முதல் 16 ஆம் நூற்றாண்டு வரை, ஒல்லாந்து புனித உரோமைப் பேரரசுக்குள் ஒல்லாந்துப் பெருங்குடிகளால் ஆளப்பட்ட ஒரு மாவட்டமாக இருந்தது. 17 ஆம் நூற்றாண்டிற்குள், ஒல்லாந்து மாகாணம் ஒரு கடல்சார், பொருளாதார சக்தியாக உயர்ந்தது, புதிதாக விடுதலை பெற்ற இடச்சுக் குடியரசின் மற்ற மாகாணங்களில் ஆதிக்கம் செலுத்தியது.
ஒல்லாந்து Holland | |
---|---|
நெதர்லாந்தில் வடக்கு, தெற்கு ஒல்லாந்து (செம்மஞ்சள்) | |
நாடு | நெதர்லாந்து |
மிகப்பெரிய குடியிருப்புகள் | பட்டியல்
|
பரப்பளவு | |
• மொத்தம் | 7,511 km2 (2,900 sq mi) |
• நிலம் | 5,476 km2 (2,114 sq mi) |
மக்கள்தொகை (1 நவம்பர் 2019)[1] | |
• மொத்தம் | 65,83,534 |
• அடர்த்தி | 1,203/km2 (3,120/sq mi) |
இனம் | ஒல்லாந்தர் |
நேர வலயம் | ஒசநே+1 (ம.ஐ.நே) |
• கோடை (பசேநே) | ஒசநே+2 (கோடை ம.ஐ.நே) |
முன்னாள் ஒல்லாந்து மாவட்டத்தின் பரப்பளவு தோராயமாக இரண்டு தற்போதைய இடச்சு மாகாணங்களான வடக்கு ஒல்லாந்து, தெற்கு ஒல்லாந்து எனப் பிரிக்கப்பட்டுள்ளதுடன், நெதர்லாந்தின் மூன்று பெரிய நகரங்களும் இதில் அடங்கும்: தலைநகர் (ஆம்ஸ்டர்டம்), ஐரோப்பாவின் மிகப்பெரும் துறைமுக நகரம் (ராட்டர்டேம்), அரசுத் தலைநகர் (டென் ஹாக்) ஆகியவையாகும். நவம்பர் 2019 கணக்கெடுப்பின்படி ஒல்லாந்தின் மக்கள் தொகை 6,583,534,[1] மக்கள் தொகை அடர்த்தி 1203/கிமீ2 ஆகும்.
நெதர்லாந்து நாடு முழுவதையும் குறிக்க ஒல்லாந்து என்ற பெயர் அடிக்கடி முறைசாரா முறையில் பயன்படுத்தப்படுகிறது.[2] இந்த சாதாரண பயன்பாடு பொதுவாக மற்ற நாடுகளில் ஏற்றுக்கொள்ளப்படுகிறது, ஆனாலும் பல இடச்சுக்காரர்களால் கூட பயன்படுத்தப்படுகிறது.[3] இருப்பினும், நெதர்லாந்தில் உள்ள சிலர் (குறிப்பாக ஒல்லாந்து அல்லது மேற்குப் பகுதிகளுக்கு வெளியே உள்ளவர்கள்) முழு நாட்டிற்கும் இந்தப் பெயரைப் பயன்படுத்துவது விரும்பத்தகாதது அல்லது தவறானது என்று கருதுகின்றனர்.[4] சனவரி 2020 இல், நெதர்லாந்து முழு நாட்டிற்கும் ஒல்லாந்து என்ற பெயரைப் பயன்படுத்துவதை அதிகாரப்பூர்வமாகக் கைவிட்டது.[5]