![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7a/Daerah_Hulu_Langat_Highlighted_in_the_State_of_Selangor%252C_Malaysia.svg/langta-640px-Daerah_Hulu_Langat_Highlighted_in_the_State_of_Selangor%252C_Malaysia.svg.png&w=640&q=50)
உலு லங்காட் மாவட்டம்
மலேசியாவின் சிலாங்கூர் மாநிலத்தில் உள்ள மாவட்டம் / From Wikipedia, the free encyclopedia
உலு லங்காட் மாவட்டம் (மலாய்:Daerah Hulu Langat; ஆங்கிலம்:Hulu Langat District; சீனம்:乌鲁冷岳县) என்பது மலேசியாவின் கோலாலம்பூர் மாநகருக்கும்; நெகிரி செம்பிலான்; சிலாங்கூர் மாநிலங்களுக்கும் இடையில் தென்கிழக்கு மூலையில் அமைந்துள்ள மாவட்டமாகும்.
![]() உலு லங்காட் மாவட்டம் அமைவிடம் சிலாங்கூர் | |
![]() | |
ஆள்கூறுகள்: 3°05′N 101°50′E | |
நாடு | ![]() |
மாநிலம் | ![]() |
மாவட்டம் | உலு லங்காட் மாவட்டம் |
தொகுதி | பண்டார் பாரு பாங்கி |
நகராட்சி | காஜாங் நகராட்சி (தென்பகுதி) அம்பாங் ஜெயா நகராட்சி (வட பகுதி) |
அரசு | |
• மாவட்ட அதிகாரி | சுல்கிப்லி காலிட் |
பரப்பளவு | |
• மொத்தம் | 829.44 km2 (320.25 sq mi) |
மக்கள்தொகை (2020)[1] | |
• மொத்தம் | 14,00,461 |
• அடர்த்தி | 1,700/km2 (4,400/sq mi) |
நேர வலயம் | மலேசிய நேரம் ஒ.ச.நே + 08:00 |
அஞ்சல் குறியீடு | 43xxx, 55xxx, 56xxx, 68xxx |
தொலைபேசி எண்கள் | +6-03-4, +6-03-8, +6-03-9 |
வாகனப் பதிவெண்கள் | B |
2020-ஆம் ஆண்டு மக்கள் தொகை கணக்கெடுப்பின் படி (தற்காலிக முடிவு) இந்த மாவட்டம் 840 சதுர கிலோமீட்டர் பரப்பளவையும், 1,400,461 மக்கள் தொகையையும் கொண்டுள்ளது. உலு லங்காட் மாவட்டம் சிலாங்கூர் மாநிலத்தின் ஐந்தாவது பெரிய மாவட்டம் ஆகும்.
இந்த மாவட்டம் நகர்ப்புறம் மற்றும் கிராமப்புறக் குடியேற்றங்களின் கலவையாகக் காணப்படுகின்றது. பெரும்பான்மையான மக்கள் கோலாலம்பூருக்கு அருகிலுள்ள நகரங்களில் குடியேறி வருகின்றனர். செராஸ், அம்பாங் போன்ற மக்கள் தொகை மையங்கள் பெருநகரப் பகுதிகளின் புறநகர்ப் பகுதிகளாக மாறின.
செராஸ் மற்றும் அம்பாங் இரண்டும் இப்போது கோலாலம்பூர் கூட்டாட்சி பிராந்தியத்திற்கும் சிலாங்கூர் மாநிலத்திற்கும் இடையில் நிர்வாக ரீதியாகப் பிரிக்கப்பட்டுள்ளன.
இந்த மாவட்டம் சிலாங்கூர் மாநிலத்தின் ஏழ்மையான மாவட்டங்களில் ஒன்றாக அறியப்படுகிறது. 2016-ஆம் ஆண்டு நிலவரப்படி மாநில மற்றும் தேசிய சராசரியுடன் ஒப்பிடும்போது உலு லங்காட் மாவட்டம் வறுமை விகிதம் அதிகமாக உள்ள மாவட்டம் ஆகும்.[2]