இலங்கை பற்றிய சுருக்கமான தகவல்கள்
இலங்கையில் கல்விக்கும் பொருளாதாரத்திற்குமான தொடர்பு / From Wikipedia, the free encyclopedia
இலங்கையின் மேலோட்டமான, புற வழிகாட்டியாக பின்வரும் சுருக்கம் வழங்கப்படுகிறது:
இலங்கை (Sri Lanka) – தெற்காசியாவில் இந்தியத் துணைக்கண்டத்தின் தென்கிழக்கு கடற்கரையில் வட இந்தியப் பெருங்கடலில் உள்ள ஒரு தீவு நாடு ஆகும். 1972 வரை சிலோன் (Ceylon) என அறியப்பட்ட இலங்கை, வடமேற்கில் இந்தியாவுடனும் தென்மேற்கில் மாலத்தீவுகளுடனும் கடல் எல்லைகளைக் கொண்டுள்ளது. இலங்கை 3,000 ஆண்டுகளுக்கும் மேலான ஆவணப்படுத்தப்பட்ட வரலாற்றைக் கொண்டுள்ளது. ஆனால் இலங்கையில் குறைந்தது 125,000 ஆண்டுகளுக்கு முன்பான, தொல்பழங்கால மனித குடியிருப்புகள் இருந்ததாகக் கூறும் கோட்பாடுகள் உள்ளன. அதன் புவியியல் இருப்பிடம் மற்றும் ஆழமான துறைமுகங்கள் ஆகியன பண்டைய பட்டுப்பாதையின் காலத்திலிருந்து இரண்டாம் உலகப் போர் வரை பெரும் மூலோபாய முக்கியத்துவத்தை உருவாக்கியது. இலங்கை ஒரு குடியரசும், சனாதிபதி முறையால் ஆளப்படும் ஒற்றையாட்சி நாடும் ஆகும். கொழும்பின் புறநகர்ப் பகுதியில் தலைநகர் ஸ்ரீ ஜயவர்தனபுர கோட்டை உள்ளது. கொழும்பு பெரிய நகரமாகும். இலங்கை தேயிலை, கோப்பி, இரத்தினக் கற்கள், தேங்காய், இரப்பர், இலவங்கப்பட்டை ஆகியவற்றின் முக்கிய உற்பத்தியாளராகவும் உள்ளது. இத்தீவில் வெப்பமண்டல காடுகள், அதிக அளவு பல்லுயிர் கொண்ட பல்வேறு நிலப்பரப்புகள் உள்ளன.