From Wikipedia, the free encyclopedia
இலங்கையில் பிரதேச செயலகங்கள் (Divisional Secretariat) என்பது ஒரு நிர்வாக அலகு ஆகும். முழு இலங்கையும் 25 மாவட்டங்களாகப் பிரிக்கப்பட்டு, ஒவ்வொரு மாவட்டமும் பல பிரதேச செயலாளர் பிரிவுகளாகப் பிரிக்கப்பட்டுள்ளன.[1] இப் பிரிவுகளும் மேலும் சிறு அலகுகளாகப் பிரிக்கப்பட்டுள்ளன. இவை கிராம உத்தியோகத்தர் பிரிவுகள் அல்லது கிராம அலுவலர் பிரிவுகள் எனப்படுகின்றன. பிரதேச செயலாளர் பிரிவு ஒவ்வொன்றும் பிரதேச செயலாளர் ஒருவரின் கீழ் இயங்குகின்றது. இப் பிரதேச செயலாளர்கள் மாவட்டங்களின் நிர்வாகத் தலைவர்களான அரசாங்க அதிபர்களுக்குப் பொறுப்புடையவர்களாக இருக்கின்றனர்.
1989ல் பதவியேற்ற ஜனாதிபதி ரணசிங்க பிரமதாச பிரதேச மட்டத்தில் நிர்வாகம் பன்முகப்படுத்தப்படுதல் வேண்டும் என்ற அடிப்படையில் ஏற்படுத்திய முறையே பிரதேச செயலக முறையாகும்.
ரணசிங்க பிரமதாசவின் அரசாங்கம் வறுமை ஒழிப்பு, கிராமியமட்ட விருத்தி ஆகியவற்றை ஒரு புதியமட்டத்தில் ஏற்படுத்தி வந்தது. சனசக்தித் திட்டத்தை வறுமை ஒழிப்பு நடவடிக்கையாகவும், பிரதேச நிர்வாக முறையை கிராமிய அபிவிருத்தி நடவடிக்கையாகவும் அரசாங்கம் செயற்படுத்தி வந்தது. இலங்கையில் ஒல்லாந்தர் ஆட்சிக்காலத்தில் (1656–1796) ஏற்படுத்தப்பட்ட கச்சேரி முறையை (மாவட்ட செயலகம்) மாற்றி, பிரதேச மட்டத்தில் நிர்வாகம் பன்முகப்படுத்தப்படுதல் வேண்டும் என்ற அடிப்படையை நோக்காகக் கொண்டு ஏற்கனவே உதவி அரசாங்க அதிபர் பிரிவுகளாக (A.G.A.Division) இருந்த நிறுவனங்கள் பிரதேச செயலகங்களாக மாற்றியமைக்கப்பட்டன. இதன் கீழ் முன்பு அமைச்சுக்கள், திணைக்களங்கள், கச்சேரிகள் என்பவற்றால் மேற்கொள்ளப்பட்ட அலுவல்கள் பிரதேச செயலகங்களில் ஒப்படைக்கப்பட்டன.
இலங்கையில் மொத்தம் கிட்டத்தட்ட 331 பிரதேச செயலாளர் பிரிவுகள் உள்ளன.[2] பரப்பளவு, மக்கட்தொகை போன்றவற்றை அடிப்படையாகக் கொண்டு ஒவ்வொரு மாவட்டமும் குறைந்தளவு தொடக்கம் கூடியளவு வரையான பிரதேச செயலாளர் பிரிவுகளாகப் பிரிக்கப்பட்டுள்ளன. வட மாகாணத்தில், யாழ்ப்பாண மாவட்டத்தில் இருந்து பிரித்து அமைக்கப்பட்ட கிளிநொச்சி மாவட்டம் மிகக் குறைந்த எண்ணிக்கையாக பிரதேச செயலாளர் பிரிவுகளைக் கொண்டுள்ளது. குருநாகல் மாவட்டம் மிகக்கூடிய பிரதேச செயலாளர் பிரிவுகளை உள்ளடக்கியுள்ளது.
மாவட்ட அடிப்படையில் பிரதேச செயலாளர் பிரிவுகளின் எண்ணிக்கை கீழுள்ள அட்டவணையில் தரப்பட்டுள்ளது.
மாவட்டங்கள் | பிரதேச செயலாளர் பிரிவுகளின் எண்ணிக்கை |
---|---|
கொழும்பு மாவட்டம் | 13 |
கம்பகா மாவட்டம் | 13 |
களுத்துறை மாவட்டம் | 14 |
கண்டி மாவட்டம் | 20 |
மாத்தளை மாவட்டம் | 11 |
நுவரெலியா மாவட்டம் | 05 |
காலி மாவட்டம் | 19 |
மாத்தறை மாவட்டம் | 16 |
அம்பாந்தோட்டை மாவட்டம் | 12 |
யாழ்ப்பாண மாவட்டம் | 16 |
மன்னார் மாவட்டம் | 05 |
வவுனியா மாவட்டம் | 04 |
முல்லைத்தீவு மாவட்டம் | 06 |
கிளிநொச்சி மாவட்டம் | 04 |
மட்டக்களப்பு மாவட்டம் | 14 |
அம்பாறை மாவட்டம் | 20 |
திருகோணமலை மாவட்டம் | 11 |
குருநாகல் மாவட்டம் | 30 |
புத்தளம் மாவட்டம் | 16 |
அனுராதபுரம் மாவட்டம் | 22 |
பொலநறுவை மாவட்டம் | 07 |
பதுளை மாவட்டம் | 15 |
மொனராகலை மாவட்டம் | 11 |
இரத்தினபுரி மாவட்டம் | 17 |
கேகாலை மாவட்டம் | 11 |
மொத்தம் | 331 |
இதன் மூலம் மக்கள் தமது தேவைகளை விரைவாகவும், பணவிரயமின்றியும் நிறைவேற்றிக் கொள்ளக்கூடிய வாய்ப்பை வழங்குவதுடன், துரித முன்னேற்றத்தை அடைவதும் அரசாங்கத்தின் எதிர்ப்பார்க்கையாகும்.
பிரதேச செயலகங்களின் நோக்களைப் பின்வருமாறு தொகுத்து நோக்கலாம்.
வினைத்திறனான துரித தீர்மானங்களை எடுத்தல்
பிரதேச செயலகங்கள் நிறுவப்படுவதன் முக்கியத்துவத்தை சமூக. பொருளாதார முக்கியத்துவம், நிர்வாக, அரசியல் முக்கியத்துவமென இரு கட்டங்களாக வகுக்கலாம்:
முல்லைத்தீவு மாவட்டம் |
வவுனியா மாவட்டம் |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.