இந்திய பஞ்சாபில் விளையாட்டுக்கள்
From Wikipedia, the free encyclopedia
இந்திய பஞ்சாபில் விளையாட்டுக்களில் தற்கால வளைதடிப் பந்தாட்டம், துடுப்பாட்டம் போன்றவற்றுடன் மரபுசார் விளையாட்டுக்களான கபட்டி (சடுகுடு), குசுத்தி (மற்போர்) குடோ கூண்டி (வளைதடிப் பந்தாட்டத்தைப் போன்றது) ஆகியனவும் அடங்கும். பஞ்சாப் பகுதியில் நூற்றுக்கும் மேற்பட்ட மரபார்ந்த விளையாட்டுக்கள் ஆடப்படுகின்றன.[1]
பஞ்சாபில் மரபார்ந்த விளையாட்டுக்களை வளர்க்கவும் பாதுகாக்கவும் மாநில அரசு 2014 முதல் பல முனைவுகளை எடுத்து வருகின்றது; பஞ்சாப் ஊரக விளையாட்டுப் போட்டிகள் இவற்றில் ஒன்றாகும். இந்தப் போட்டிகளில் மாநில விளையாட்டுக்களான குஸ்தி போன்றவை சேர்க்கப்பட்டுள்ளன.[2]