![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/66/Zubu_mokshans._Dubasov.jpg/640px-Zubu_mokshans._Dubasov.jpg&w=640&q=50)
Mokszany
From Wikipedia, the free encyclopedia
Mokszany (mokszańsko godka: мокшет, mokshat) je rodźimy lo terynůw Strzodkowyj Wołgi lud fino-ugryjski, kery wespůł ze Erzjanůma a Maryjczykůma sům mjanowańi Wołżańskimi Finůma. Myńi kej jydno trzećo Mokszanůw mjyszko we Autůnůmicznyj Republice Mordowije we Rusyji, we baseńe Wołgi. Reszta je porozćepowano po ruskich uobwodach kej rjazański, tulski, tambowski, samarski, uorynburski, pynzyński, uljanowski, saratowski jako tyż we Tatarstańe, Czuwaszyji, Baszkortostańe a strzodkowyj Azyji (Kirgistůn, Turkmyńistůn, Uzbekistůn, Kazachstůn, Syberyjo, Daleki Wschůd), Azerbejdżůn, Armyńijo, Estůńijo, Ukrajina, Finlandyjo, Australijo a Zjednoczůne Sztaty. Mokszanům a Erzjanům śe dostało autůnůmiczne terytoryjo a prawa nacyje kej bůł Sojusz Socjalistycznych Sowjeckich Republikůw we 1928. Rusyfikacyjo zwjykszůła śe we rokach 30. XX stolećo, a wjadůmość mokszańskij godki do rokůw 50. bůła fest ńikło.
Mokszany | |
(Мокшет) | |
![]() | |
Kobjyty zubumokszańske Iwana Dubasowa. Zdjyńće ze XIX wjeku | |
Wjelość do kupy | 296 904[1] |
Regijůny zamjyszkańo | Mordowijo a inksze republiki Rusyje |
Godka | mokszańsko |
Religije | pogaństwo, prawosławje, luterańizm[2] |
Pokrewne etńiczne skupiny | Erzjany, Maryjczyki, Meszczera, Merja, Murůmjany |