From Wikipedia, the free encyclopedia
Brangelina ni jina linalojumuisha muigizaji Brad Pitt wa kutoka Marekani aliyeigiza katika filamu zaidi ya 40 (kama Fight Club, Se7en, Mr. & Mrs. Smith) na Angelina Jolie ambaye ni balozi wa shirika la Umoja wa Mataifa na vilevile muigizaji wa filamu kama Lara Croft: Tomb Raider na Changeling.
Katika miaka ya nyuma, Pitt amewahi kuwa na uhusiano wa kimapenzi na waigizaji wengi kama Robin Givens, Jill Schoelen, na Juliette Lewis.[1] Pitt pia alikuwa mchumba wake Gwyneth Paltrow, aliyekuwa na uhusiano naye kuanzia mwaka wa 1995 hadi 1997.[2]
Pitt alionana na muigizaji wa kipindi cha Friends aitwaye Jennifer Aniston mnamo 1998 na wakaoana mjini Malibu mnamo 29 Julai 2000.[3] Mnamo Januari 2005, Pitt na Aniston walitangaza kuwa wameachana baada ya kuoana kwa muda ya miaka saba.
Mnamo 28 Machi 1996, Jolie aliolewa na muigizaji Muingereza Jonny Lee Miller.[4] Jolie na Miller waliachana mwaka uliofuata na talaka ikatolewa mnamo 3 Februari 1999. Mnamo 5 Mei 2000, aliolewa na muigizaji wa Marekani anayeitwa Billy Bob Thornton, na wakawachana mnamo 27 Mei 2003.
Jolie na Pitt walikutana walipokuwa wanaigiza katika filamu ya Mr. & Mrs. Smith na uhusiano wao ulijulikana sana kwenye Hollywood .[5]. Inasemekana kuwa Pitt na Jolie walipendana pindi Pitt bado alikuwa na Jennifer Aniston, lakini wote wamekataa madai haya; wakisema kuwa walipendana walipukuwa wakiigiza filamu hii.[6] Uhusiano wa Pitt na Jolie ulithibitishwa wakati picha zilitoka za kuonyesha Pitt akiwa na Jolie na mwanawe Maddox kwenye bahari nchini Kenya.[7] Wawili hawa walionekana wakiwa pamoja mara nyingi, na watangazaji wakawabandika wapenzi hawa jina la "Brangelina".[8] Mnamo 11 Januari 2006, Jolie alitangaza kuwa alikuwa na mimba ya Brad Pitt.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.