Waluh konéng atawa cucurbita pepo kaasup tutumbuhan C3 ku sabab fiksasi karbon organik anu munggaran nyaéta senyawa karbon tilu, 3-fofogliserat.[1] Tutuwuhan C3 nyaéta tutuwuhan anu fiksasi karbon mimitina lumangsung ngaliwatan rubisco, enzim siklus Calvin anu nambahan CO2 dina ribulosa bifosfat.[1] Waluh konéng mangrupa salah sahiji jenis pepelakan sayuran anu ngarambat, kaasup famili Cucurbitaceae. Kagolong pepelakan samusim, lamun geus buahan bakal langsung maot.[2] Pepelakan ieu dibudidayakeun di nagara-nagara Afrika, Amerika, India, jeung Cina.[2]
| Waluh konéng | |
|---|---|
 | |
| Waluh konéng | |
| Klasifikasi ilmiah | |
| Divisi: | |
| Kelas: | |
| Ordo: | Violales |
| Kulawarga: | |
| Subfamili: | Asteridae |
| Génus: | Cucurbita |
| Spésiés: | Cucurbita moschata Durch |
Kandungan Gizi
Waluh konéng mangrupa jenis pepelakan anu produktif, ku sabab unggal 1 héktar bisa ngahasilkeun 20-40 ton buah waluh konéng.[3] Waluh ogé miboga kandungan vitamin A, B, jeung C, mineral, sarta karbohidrat.[3] Dagingna ngandung antiokisidan pikeun nyingkahan kanker.[3] Sipat waluh anu beyé jeung babari dicerna sarta ngandung karoten (pro vitamin A), lian ti éta bisa nambahan warna dina olahan kadaharan.[3] Kandungan séjéna nyaéta asak lemak utama,nu ngawengku asam linoléat, asam oléat, jeung saeutik asam linolenat.[1] Salain ti éta aya vitamin E (tokoferol) jeung karotenoid, nyaéta lutein jeung beta-karoten ogé dina jero daging sikina.[1] Hormon beta-sitosterol éta téh miboga mangpaat pikeun neken gawéna enzim 5-alfa-reduktase.[1] Enzim ieu téh bakal ngurangan kna ngabentukna hormon dihidrotestosteron tina hormon testoteron.[1] Alatan kitu, kelenjar prostat bisa disingkahan.[1] Kandungan séjéna nyaéta asak lemak utama, anu ngawengku linoléat, asam oléat, jeung saeutik asam linolenat.[1] Siki waluh konéng miboga kandungan sajumlahing zat, di antarana sajenis asam amino anu langka (saperti m-karboksifenilalanina, pirazoalanina, asam aminobutirat, etilasparagina, dan sitrulina) jeung sajumlahing asam amino anu séjén anu diperlukeun kelenjar prostat (semisal alanina, glisina, dan asam glutamat).[1] Sikina téh miboga kandungana unsur mineral Zn (seng) jeung Mg (magnesium)anu dipikabutuh pikeun kaséhatan organ reproduksi, kaasup kelenjar prostat.[1]
Mangpaat
- Nyingkahan Kanker. Vitamin anu aya dina waluh konéng téh alus pikeun kulit saperti vitamin A, vitamin C jeung Alpha hydrox-acid.[4]
- Nyingkahan kokoloteun. Kandungan beta-carotene nyaéta sumber antioksidan dina waluh konéng bisa nyingkahan kokoloteun.[4]
- Ningkatkeun Sistem Imun. Ku sabab aya kandungan mineral zinc anu jadi andelanana waluh konéng.[4]
- Nurunkeun Ostéoporosis. Zinc dina waluh konéng bisa nguatkeun tulang.[4]
- Nyingkahan panyakit jantung.[4] Betakaroten anu aya dina waluh konéng miboga peran pikeun nyingkahan serangan jantung.[5]
- Nyingkahan panyakit Arthritis. Siki waluh konéng miboga kandungan zat anti peradangan anu gunanana nurunkeun gejala arthritis.[4]
- Ningkatkeun kekebalan dina awak.[4] Sementara kandungan vitamin B1, C, jeung seratnya bisa nyingkahan panyakit jantung jeung struk.
Mangpaat lainna nyaéta ngubaran demam, migrain, diare, panyakit ginjal.[4]
Rujukan
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
