From Wikipedia, the free encyclopedia
Seureuh nyaéta ngaran sabangsaning tuwuhan areuy, daun sarta buahna didahar ku jelema ku cara digayem babarengan jeung gambir, jambé sarta kapur. Seureuh dipaké minangka pepelakan ubar (fitofarmaka); kacida pentingna dina kahirupan sarta sagala rupa upacara adat bangsa Indonésia.
| Seureuh | |
|---|---|
 | |
| Salambar daun seureuh | |
| Klasifikasi ilmiah | |
| Karajaan: | |
| (unranked): | |
| (unranked): | |
| Ordo: | Piperales |
| Kulawarga: | Piperaceae |
| Génus: | Piper |
| Spésiés: | P. betle |
| Ngaran binomial | |
| Piper betle | |
Sirih dipikawanoh dina unggal basa kalawan ngaran anu has, nyaéta: suro (Jawa), sireh (Melayu), bido (Ternate), base (Bali), jeung amo (Ambon).[1]
Tuwuhan ngareuy (ngarambat) ieu bisa ngahontal jangkung 15 méter. Tangkal seureuh boga warna coklat semu héjo, bentukna buleud, ngandung buku sarta mangrupa tempat kaluarna akar. Daunna anu tunggal bentukna jiga jantung, boga tungtung nu seukeut, tumuwuh selang-seling, gagangan, sarta ngaluarkeun ambeu anu seungit lamun dirames. Panjangna kira-kira 5 - 8 cm sarta rubak 2 – 5 cm. Bentuk buahna buleud sarta boga warna héjo semu kulawu. Akarna tunggang, buleud sarta boga warna coklat semu konéng.
Minyak atsiri tina daun seureuh ngandung betiephenol, seskuiterpen, sari, diatase, gula sarta zat samak jeung chavicol anu mibanda daya maéhan jaram, antioksidasi sarta fungisida, anti jamur. Seureuh boga hasiat ngaleungitkeun ambeu awak anu diakibatkeun ku baktéri sarta jamur. Daun seureuh ogé boga sipat nahan perdarahan, nyageurkeun tatu dina kulit, sarta gangguan peujit. Sajaba ti éta, ogé boga sipat ngariutkeun, ngaluarkeun reuhak, ngéncérkeun ciduh, hemostatik, sarta ngeureunkeun getih nu ngocor.
Biasana pikeun ubar mimisan, dipaké 2 lambar daun seger Piper betle, dikumbah, digulung saterusna diasupkeun kana liang irung.
Nyapék seureuh geus dikaitkeun jeung panyakit kanker sungut sarta genggerong squamous cell carcinoma.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
