Lemak (bas Ingris: fat) ngarujuk kana sakelompok gedé molekul-molekul alam anu kasusun tina unsur-unsur karbon, hidrogen jeung oksigen nyaéta asam lemak, malam, stérol, vitamin-vitamin anu nyampur jeung lemak (contona A, D,E, jeung K) monogliserida, digliserida, fosfolipid, glikolipid, terpenoid (kaasup di jerona getah jeung steroid) jeung sajabana.[1] ku sabab struktur molekulna anu loba ku ranté karbon (-CH2-CH2-CH2) mangka lemak mibanda sifat hydrophob.[1] Ieu jadi alesan hésena lemak pikeun nyampur jeung cai.[1] Lemak ngan saukur bisa nyampur dina larutan apolar atawa organik kawas: eter, Chloroform, atawa benzol.[1]
Unsur lemak kasusun tina Nitrogén, hydrogén, fosfor, karbon jeung oksigén.[2] Nurutkeun komposisi anu nyusun, lemak digolongkeun jadi tilu:[2]
Lemak Sederhana
Lemak ieu asalna tina trigliserida.[2] Conto lemak ieu nyaéta lilin jeung minyak.[2]
Lemak Campuran
Lemak ieu kasusun tina lemak jeung senyawa nu laina. Contona nyaéta lipoprotéin, fosfolipid, jeung fosfatidilkolin.[2]
Lemak Asli
Kabagi jadi asam lemak jenuh jeung asam lemak teu jenuh.[2]
Lemak mibanda sababaraha fungsi, di antarana:[2]
- Fungsi lemak pikeun ngajaga awak tina parobahan suhu, utamana suhu handap.[2]
- Fungsi lemak salaku pelarut sababaraha vitamin.[2]
- Fungsi lemak salaku sumber énérgi.[2]
- Fungsi lemak salaku alat pangangkut vitamin anu padet larut dina lemak.[2]
- Fungsilemak pikeun ngajaga organ vital saperti jantung jeung lambung.[2]
- Fungsi lemak salaku panahan lapar.[2]
- Fungsi lemak salaku panghémat protéin, sabab lemak mangrupa sumber utama ngawangun énérgi.[2]
- Fungsi lemak salaku pelumas anu gunana dina saluran cerna pikeun ngabantuan ngaluarkeun sésa.[2]
- Fungsi lemak salaku panyusun membran sél.[2]
- Fungsi lemak salaku bahan pikeun nyusun hormon sarta vitamin.[2]
- Fungsi lemak salaku bahan panyusun émpedu, hormon seks, jeung asam kholat.[2]
Satiap jalma boga kabutuhan kana lemak anu béda-béda.[2] Tapi umumna dina sapoéna saurang ngabutuhkeun lemak antara 0,5-1 gram lemak atawa per 1 kilogram per beurat awak.[2]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
