Karéta api Mutiara Selatan

Karéta api Mutiara Selatan (Aksara Sunda Baku: ᮊᮛᮦᮒ ᮃᮕᮤ ᮙᮥᮒᮤᮃᮛ ᮞᮨᮜᮒᮔ᮪) nyaéta karéta api kelas campuran éksekutip-ekonomi AC prémium nu ngahubungkeun Bandung-Surabaya Gubeng liwat Tasikmalaya-Kroya jeung sabalikna.^[1] Karéta ieu dioperasikeun ku Daop 1 Jakarta.^[1] Asalna, karéta ieu mawa campuran kelas éksekutip jeung bisnis, tapi ti taun 1999 rangkéan KA Mutiara Selatan diganti jadi kelas bisnis kabéh, kelas éksekutip na dipindahkeun kana rangkéan Karéta api Turangga nu ngalayanan ruteu nu sarua.^[1]

KA Mutiara Selatan ngaliwat langsung stasion Bumiwaluya

Mutiara Selatan
KA Mutiara Selatan ngaliwat ex JPL 52 Cipinang nuju ka stasion Jatinegara
Informasi
Sistem	Karéta api antar kota
Status	Beroperasi
Lokal	Daop
Stasion terminus	Stasion Bandung Stasion Surabaya Gubeng
Jumlah stasion	26
Operasi
Dibuka	1980-an (Éksekutip jeung Bisnis) 1999 (Bisnis) 28 Séptémber 2016 (Ékonomi 2016 New image) Oktober 2016 (Bisnis) Maret 2017 (Éksekutip jeung Bisnis) 01 April 2019 (Ganti Kelas Éksékutip jeung Ékonomi AC Prémium) 1 Désémber 2019 (KA Mutiara Selatan diperpanjang nepi ka Gambir)
Dipiboga ku	PT KAI
Operator	Daérah Operasi VIII Surabaya
Karakter	lintas pagunungan
Lokomotip	CC206
Data téhnis
Lébar sepur	1.067 mm
Gancangna operasional	60 s.d. 100 km/jam
Titik pangluhurna	+848 (Nagrég)

Tanggal 28 Séptémber 2016, KA Mutiara Selatan genti rangkéan jadi KA Ékonomi AC new image 2016, sarta ruteuna dipanjangan nepi ka Malang, ngan kusabab jarak antar korsina anu dianggap heurin teuing pikeun KA jarak jauh, rangkéan éta ngan dipaké kira-kira dua minggu, tuluy ditarik deui. KA Mutiara Selatan maké rangkéan bisnis deui. Bulan Maret 2017, KA Mutiara Selatan ganti kelas jadi kelas campuran éksekutip-bisnis. Ti tanggal 1 April 2019, Karéta ieu geus maké rangkéan anyar tina Stainless Steel jieunan PT. INKA Madiun sarta ganti kelas jadi Éksekutip-Ékonomi AC Prémium. Ti tanggal 1 Désémber 2019, lalampahan KA Mutiara Selatan dipanjangan nepi ka Stasion Gambir, ku sabab PT KAI geus ngarilis GAPEKA 2019.^[2] Karéta ieu kungsi jadi KA panumpang panglilana nyaéta kurang leuwih 20 jam ngéléhkeun lalampahanna KA Wijayakusuma. Tuluy ti tanggal 1 Séptémber 2020 ruteu ieu karéta dipondokan deui jadi Bandung-Surabaya Gubeng percis saperti jaman baheula nalika mimiti dioperasikeun.^[3]

Stasion nu dilayanan

• Stasion Bandung
• Stasion Kiaracondong
• Stasion Cipeundeuy
• Stasion Tasikmalaya
• Stasion Ciamis
• Stasion Banjar
• Stasion Maos
• Stasion Kroya
• Stasion Gombong
• Stasion Kebumén
• Stasion Karanganyar
• Stasion Kutoarjo
• Stasion Yogyakarta
• Stasion Solo Balapan
• Stasion Nganjuk
• Stasion Madiun
• Stasion Jombang
• Stasion Mojokerto
• Stasion Surabaya Gubeng^[4]

Spésifikasi karéta

Ti tanggal 1 April 2019, KA Mutiara Selatan geus ngagunakeun karéta éksekutip jeung ékonomi AC prémium stainless steel jieunan PT INKA Madiun.

Ti tanggal 1 Désémber 2019, rangkéan KA Mutiara Selatan geus dimutasi ka Jakarta Kota (JAKK) sarta diperpanjang nepi ka Gambir.

• Susunan rangkéanna nyaéta: (Ti tanggal 1 Desember 2019)
  • 1 Lokomotip CC206 Dipo Induk JNG
  • 1 Karéta Pembangkit (P 2018/2019 JAKK)
  • 3 Karéta Éksekutip (K1 2018/2019 JAKK)
  • 1 Karéta Makan/Pembangkit (M1 2018/2019 JAKK) (MP3 2016 BD)
  • 4 karéta Prémium (K3 2018/2019 JAKK)
  • 2 kereta bahasi (B JAKG)*

Katerangan:

(*) Karéta bahasi dileupas di Surabaya Gubeng pikeun dilangsir ka Stasion Surabaya Kota, sedengkeun KA Mutiara Selatan na nuluykeun lalampahan ka Malang. Ti Malang KA Mutiara Selata teu mawa karéta bahasi, sanggeus nepi di Surabaya Gubeng kakara ditambahan karéta bahasi di rangkéan bagian tukangeunna.

Jadwal karéta

Dina GAPEKA 2019 ieu, Karéta api Mutiara Selatan berangkat ti Gambir soré, nepi ka Malang béurang. Kitu ogé sabalikna. Jadwal leuwih lengkepna tingali di Wikipédia Basa Indonésia

Tingali ogé

• Karéta api

Rujukan

1. http://www.bisnis.com/traveling/read/20141230/224/386694/menikmati-kemolekan-7-gunung-bumi-parahyangan-dengan-ka-mutiara-selatan%5Btumbu+nonaktif%5D (id) diaksés tanggal 25 Desember 2015
2. Media, Kompas Cyber. "Daftar KA Baru yang Berangkat dari Stasiun Gambir dan Pasar Senen Per 1 Desember 2019 Halaman all". KOMPAS.com (dalam Indonesian). Diakses tanggal 2019-12-07.
3. Barat, Pemerintah Provinsi Jawa. "Mulai September KAI Lakukan Penyesuaian Perjalanan KA". www.jabarprov.go.id. Diakses tanggal 2021-05-23. Archived 2021-09-22 di Wayback Machine

Tumbu kaluar

(id) Situs resmi PT KAI Archived 2016-12-07 di Wayback Machine

Artikel ngeunaan karéta api ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.