Fisiologi

Fisiologi nyaéta cabang élmu biologi nu patali kana fungsi jeung kagiatan kahirupan atawa zat hirup (organ, jaringan, atawa sél);^[1] élmu faal.^[1] Fisiologi mangrupa studi ngeunaan fungsi organisme, sato atawa tutuwuhan, jeung fungsi jaringan konstituen sato jeung tutuwuhan atawa sél.^[2] Kecap fisiologi mimiti dipaké ku jalma Yunani kurang leuwih 600 SM keur ngagambarkeun panalungtikan filosofis ka jero sifat hal.^[2] Pamakéan istilah kalawan referensi husus pikeun kagiatan vital manusa, nu dimimitian dina abad ka-19, rasa hayang nyaho, kabutuhan médis, jeung kapentingan ékonomi ngadorong penelitian ngeunaan fisiologi sagala organisme hirup.^[2]