From Wikipedia, the free encyclopedia
Coelenterata atawa sok disebut ogé Cnidaria mangrupa filum anu asup kana kelompok invertebrata atawa sato anu teu boga tulang tonggong.[1]
| Coelenterata | |
|---|---|
 | |
| Comb jellies (Beroe spp.) | |
| Klasifikasi ilmiah | |
| Karajaan: | Animalia |
| Filum: | Coelenterata |
Dumasar kana lapisan jaringan émbriona coelenterata asup ka golongan diploblastik.[2] Lapisan luar jaringana kasusun ku sél-sél épidermis jeung lapisan jerona mangrupa gastrodérmis.[2] Lapisan jerona ngalapisan rongga gastrovaskulér.[2] Teu siga poriféra, coelenterata ngan mibanda hiji liang anu fungsina salaku biwir sarta anus.[2] Dina lapisan épidérmis aya sél-sél husus anu bisa ngahasilkeun racun.[2] Racun atawa bisa ieu boga fungsi pikeun nyieun lawan teu boga énérgi pikeun mertahankeun diri sarta ngabéla dirina.[2]
Di antara épidérmis jeung gastrodérmis aya lapisan mesogléa anu sakapeung eusina sél.[2] Lolobana coelenterata hirup di laut, sarta ngan sabagéan anu hirup di cai tawar.[2] Coelenterata ngalaman robahna posisi katurunan/métagénésis antara fase polip jeung médusa.[2] Polip bentukna silindris jeung dina bagéan proksimal napél ka hiji tempat, bagéan distal ayana di biwir anu dikurilingan ku téntakel.[2] Médusa umumna siga payung, sisi handap bagéan tengah aya biwir.[2] Rohang digésti mangrupa saluran-saluran radian ku opat cabang utama anu tungtungna di saluran sirkulér.[2]
Coelenterata bisa regenerasi sacara aséksual jeung séksual.[1] Réproduksi sacara aséksual dilakukeun ngaliwatan awak anu siga tunas anu saterusna dileupaskeun tina awak indungna jeung mandiri jadi individu anyar.[1] Réproduksi sacara séksual dilakukeun ku nyieun spérma jeung ovum anu ngahiji jadi zigot, tuluy mekar jadi individu anyar.[1] Sabagéan hérmaprodit (spérma jeung ovum dihasilkeun ku individu anu sarua), tapi aya ogé anu gonochoris (spérma dihasilkeun ku individu séjén).[1]
Coelenterata dibagi ku tilu kelas nyaéta:[1]
Lobana jeung hirupna coelenterata di batu karang bisa nahan abrasi ombak.[1] Iwal ti dinya batu karang mangrupa tempat réproduksi biota laut, ogé salaku pangrojong pikeun ayana taman laut anu boga pungsi pikeun mekarkeun objék wisata bahari.[1] Tapi lamun tumuwuhna di laut leupas bisa ngalantarankeun dangkalna cai laun anu bakal ngaganggu sarta ngabahayakeun kapal laut.[1] Masarakat basisir bisana ngamangpaatkeun karang laut salaku cinderamata, nyieun taman atawa nyokot karang pikeun bahan wangunan.[1] Ogé racun anu dihasilkeun ku Hydrozoa bisa ngaganggu kaamanan aktifitas manusa di laut.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
