spésiés tutuwuhan From Wikipedia, the free encyclopedia
Ceremé atawa caremay nyaéta ngaran sarupaning tatangkalan anu rasa buahna haseum.[1] Buah anu haseum ieu dipikawanoh ogé kalawan ngaran-ngaran séjén kawas ceremoi (Acéh), chermai (Malaysia), karmay (Ilokano, Filipina), mayom (Thailand) sarta nu séjén-séjén. Dina basa Inggris ieu tangkal dingaranan Otaheite gooseberry, Malay gooseberry jeung sawatara sebutan anu séjén. Ngaran ilmiahna nyaéta Phyllanthus acidus.[2][3]
| Ceremé | |
|---|---|
 | |
| Tangkal ceremé jeung buahna | |
| Klasifikasi ilmiah | |
| Karajaan: | |
| Divisi: | Magnoliophyta |
| Kelas: | |
| Ordo: | Malpighiales |
| Kulawarga: | Phyllanthaceae |
| Tribus: | Phyllantheae |
| Subtribus: | Flueggeinae |
| Génus: | Phyllanthus |
| Spésiés: | P. acidus |
| Ngaran binomial | |
| Phyllanthus acidus (L.) Skeels. | |
| Sinonim | |
|
Phyllanthus distichus Müll.Arg. | |
Tangkal leutik kalayan jangkungna nepi ka 9 m, boga dahan nu pondok sarta renggang.
Buah ceremé mindeng didahar atah dicampur gula, uyah atawa dirujak. Ceremé ogé mindeng dijieun manisan, dikulub atawa dijieun inuman panyeger. Daun ngorana dipaké lalab.
Kuluban akar ceremé dipaké pikeun ngurangan kasakit bengék sarta ngubaran panyakit kulit. Bahan panyamak ogé dihasilkeun tina kulit akarna.
Tangkal ceremé mindeng dipelak minangka pangiuhan atawa hiasan pakarangan jeung taman. Tangkal ieu bisa tumuwuh di wewengkon tropis sarta subtropis, mikaresep tempat anu beueus nepi ka luhurna kira 1.000 m luhur beungeut laut. Ceremé bisa dibudidayakeun ngaliwatan melak siki atawa cara sték.
Ceremé dianggab asalna ti Madagaskar. Kiwari ceremé geus sumebar ka réa wewengkon tropis kawas di Asia Tenggara (Viétnam kidul, Laos, Indonésia sarta Malaysia bagian kalér), kapuloan-kapuloan Mauritius, Reunion sarta Rodrigues di Samudra India, sarta di Guam, Hawaii jeung sawatara kapuloan séjén di Samudra Pasifik.
Dina taun 1793, pepelakan ieu dibawa ka Jamaika ti Timor; sarta saprak harita sumebar ka sakumna kapuloan Karibia, dituluykeun saterusna ka Amérika Tengah sarta Kidul.
Ceremé dulur deukeut tangkal malaka (Phyllanthus emblica) sarta meniran (P. niruri); duanana nyaéta tutuwuhan anu dijieun ubar.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
