From Wikipedia, the free encyclopedia
Berlian asal kecapna tina basa Yunani adama anu miboga harti teu bisa diéléhkeun[1].Salaku salah sahiji kabeungharan alam, berlian ngarepresentasikeun kakuatan anu teu bisa diéléhkeun, hiji batu permata anu dipikahayang ku unggal jalma utamana calon pangantén awéwé[1]. Orang Yunani kuno percaya yén berlian asalna tina béntang anu murag ka bumi jeung miboga fungsi pikeun ngajaga nu makéna[1]. Ari di India, tempat mimiti berlian ditimukeun, percaya yén berlian mampuh ngalawan sétan atawa mahluk ghaib séjénna[1]. Rada mirip jeung pamikiran astrologer kuno anu percaya yén berlian bisa méré katresna anu abadi, jeung ngajauhkeun tina sihir jeung impian goréng[1].
Karat nyaéta ukuran beurat batu berlian, lain ukuran gedé leutikna hiji berlian[2]. Tapi dalah dikumaha ogé beurat berlian patali jeung ukuran gedé leutikna[2]. 1 karat berlian = 0.20 gram[2]. Leuwih beurat berlian lain hartina leuwih mahal ku sabab potongan berlian bisa nangtukeun harga jeung kualitas batu berlian éta sorangan[2].
10 modél berlian nyaéta round, marquise, pear, oval, emerald, princess, radiant, asscher, cushion, jeung heart[3]. Potongan berlian mangrupa hiji hal anu nangtukeun kualitas jeung harga hiji batu berlian, ku sabab hasil pamotongan ieu bakal nangtukeun pemantulancahaya anu ningalikeun kaéndahan kilauan batu berlian sorangan[3]. Dina milih berlian, milih potonganana atawa modél berlian gumantung kana seléra pamakéna[3].
Dina milih berlian, aya 4C + 3C anu kudu diperhatikeun[4]. 4C nu mimiti nyaéta panduan sistem penilaian batu berlian anu diwanohkeun ku The Gemological Institute of America (GIA), ari 3C nu pamungkas nyaéta pangdeudeul ti para ahli berlian[4].
1. 4C nu mimiti nyaéta Cut, Carat,Clarity, Color[4].
2. 3C nu pamungkas nyaéta Certificate, Confidence, Customer Service[4].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
