Akuntansi
From Wikipedia, the free encyclopedia
Akuntansi nyaéta prosés nyatet, ngaklasifikasikeun, ngaringkes sarta midangkeun data, transaksi sarta kajadian nu aya patalina jeung kauangan, nepi ka bisa dipaké jeung dibaca ku pamakéna kalayan jéntré sarta dipiharti pikeun nyokot hiji kaputusan atawa tujuan lianna.[1]
Akuntansi asalna tina kecap basa séjén, nyaéta accounting nu dina basa Indonésia hartina nyaéta ngitung atawa nu tanggung jawab.[1] Akuntansi digunakeun diampir sakabéh kagiatan bisnis didunya pikeun nyokot hiji kaputusan, nepi ka disebut salaku basa bisnis.[1]
Akuntansi salaku seni nu dumasar kana logika matematik, kiwari dipiwanoh salaku "pembukuan berpasangan" atawa double-entry book keeping geus ilahar di Italia ti taun 1495 dina waktu Luca Pacioli (1445 - 1517), nu ilahar dipiwanoh salaku Friar (Romo) Luca dal Borgo, ngawanohkeun bukuna ngeunaan “pembukuan” di Venice. Buku basa Inggris mimiiti nu dipikanyaho diwanohkeun di London ku John Gouge atawa Gough dina taun 1543.
Buku ringkes nu eusina ngeunaan instruksi akuntansi ogé diterbitkeun dina taun 1588 ku John Mellis ti Southwark, nu kalimahna, "I am but the renuer and reviver of an ancient old copie printed here in London the 14 of August 1543: collected, published, made, and set forth by one Hugh Oldcastle, Scholemaster, who, as appeareth by his treatise, then taught Arithmetics, and this booke in Saint Ollaves parish in Marko Lane." ("Urang nu ngahirupkeun deui tina salinan salinan kuno nu dicitak di dieu, di London dina tanggal 14 Agustus 1543: dikumpulkeun, diwanohkeun, dijieun, jeung diangkat ku Hugh Oldcastle, Scholemaster, nu mana, aya dina risalahna, tuluy ngajarkeun Aritmatika, jeung buku ieu di paroki Saint Ollaves di Marko Lane.") John Mellis ngarujuk ka fakta yén prinsip akuntansi nu dijelaskeun ku anjeunna (nu mangrupa sistem sederhana ti asupan ganda/double entry) nyaéta "after the forme of Venice".
Dina awal abad ka 18, jasa ti akuntan nu puseurna di London geus digunakeun sallila panyalidikan direktur South Sea Company, nu keur ngadagangkeun bursa perusahaanéta. Salila panyalidikan ieu, akuntan nguji saeutikna dua buku perusahaan. Laporannna dijéntrékeun dina buku Sawbridge and Company, ku Charles Snell, Writing Master and Accountant in Foster Lane, London. Amerika Serikat ngahutang konsep tujuan Akuntan Publik kadaptar di Inggris nu geus miboga Chartered Accountant dina abad ka 19.
Akuntansi mangrupa alat pikeun nepikeun inpormasi kauangan ka pihak-pihak nu merlukeun. Kudu miboga kaahlian akuntansi nu alus pikeun bisa nyieun hiji kaputusan anu tepat sarta beuki alus ngolah kauangan .[2] Pikeun nepikeun inpormasi-inpormasi éta, maké laporan akuntansi atawa nu dipiwanoh Laporan Keuangan. Laporan keuangan hiji perusahaan biasana eusina aya opat jenis laporan, nyaéta Laporan Posisi Keuangan, Laporan Laba Rugi Komprehensif, Laporan Perubahan Ekuitas, Laporan Arus Kas sarta Catatan Atas Laporan Keuangan.[3]
- Laporan Posisi Keuangan, nyaéta daptar sistematis nu eusina ngeunaan aset, hutang jeung modal hiji perusahaan di akhir periode éta. Disebut salaku daptar nu sistematis, ku sabab laporan disusun numutkeun urutan nu geus ditangtukeun. Dina neraca bisa kanyahoan sabaraha jumlah pakaya perusahaan, kamampuan perusahaan ngabayar kawajiban sarta kamampuan perusahaan meunangkeun tambahan injeuman ti pihak luar. Salian ti éta, eusina inpormasi ngeunaan jumlah hutang perusahaan ka kreditur sarta jumlah investasi nu ngabogaan modal dina perusahaan éta.
- Laporan Laba Rugi Komprehensif, nyaéta ikhtisar ngeunaan pendapatan jeung beban hiji perusahaan pikeun periode nu geus ditangtukeun, nepi ka bisa dipikanyaho sabaraha kauntungan nu dimeunangkeun ku perusahaan jeung karugian nu dialaman ku perusahaan.
- Laporan Perobahan Ekuitas, nyaéta laporan nu eusina nunjukkeun parobahan modal pikeun periode harita, bisa salila sabulan atawa sataun. Ngaliwatan laporan perobahan modal bisa dipikanyaho sabab-sabab parobahan modal salila période éta.
- Laporan Arus Kas, ku ayana laporan ieu, pamaké laporan keuangan bisa ngaevaluasi parobahan aktiva bersih perusahaan, struktur keuangan (kaasup likuiditas jeung solvabilitas) sarta kamampuan perusahaan dina ngahasilkeun kas diwaktu nu rék datang.
Catatan atas laporan keuangan, mangrupa daptar rincian sacara jéntré nu aya dina laporan keuangan pikeun ngajelaskeun ngeunaan rincian hiji akun dina laporan keuangan sacara detil.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
