From Wikipedia, the free encyclopedia
Vin Diesel (gumelar di Alameda, Kalifornia, Amérika Sarikat, 18 Juli 1967; umur 56 taun) nyaéta saurang aktor Amérika, produser, sutradara, jeung panulis skenario.[1]
Artikel atawa bagian artikel ieu butuh leuwih loba réferénsi sangkan pasti. Mangga bantos ngédit artikel ieu kalawan nambihkeun réferénsi. Tag ieu dibéré dina Pébruari 2016 |
Vin miboga ngaran leutik Mark Sinclair.[rujukan?] Vin ogé miboga dulur kembar fraternal, Paul Vincent.[rujukan?] Indungna Vin, Delora Sherleen (Sinclair) nyaéta saurang ahli nujum jeung psikiater, sedengkeun bapa angkatna, nyaéta Irving H. Vincent, saurang instruktur jeung manajer téknis téater, dina proyék imahan saurang seniman di New York City Greenwich Village. Vin teu pernah nyaho saha bapa kandungna.[rujukan?] Indungna ti kulit bodas (Inggris, Jérman, Skotlandia, jeung katurunan Irlandia), bapa angkatna mah Afrika-Amérika.[1]
Icikibung dina dunya akting téh mimitina mah teu ngahaja-haja, waktu umur tujuh taun Vin jeung babaturanna abus ka rohangan téater.[rujukan?] Hiji awéwé megat maranéhna tuluy nawarkeun naskah jeung duit 20 USD, nu syaratna yén maranéhna kudu ngahadiran éta téater unggal poé sanggeus balik sakola.[rujukan?] Ti dinya, pibakaleun karir Vin téh.[rujukan?] Dina umur tujuh belas taun olahraga fisikna geus kaasah, Vin jadi tukang gebot di sawatara klub pangkerenna di New York hambég meunang duit tambahan.[rujukan?] Ti harita ngaganti ngaranna jadi Vin Diesel téh.[1]
Sanggeus SMA, Vin kadaptar minangka mahasiswa jurusan basa Inggris di Hunter College, tapi kaluar sanggeus tilu taun kuliah sangkan bisa nuluykeun karirna di Hollywood.[rujukan?] Kungsi jadi aktor téater anu pangalaman gé teu matak mangaruhan di Hollywood.[rujukan?] Sanggeus sataun bajuang pikeun nukil karir, antukna kudu balik ka New York.[rujukan?] Tuluy indungna méré buku nu judulna "Feature Films at used Car Prices" beunang Rick Schmidt.[rujukan?] Buku ieu nojokeun yén bisa ngadalian karir jeung nyieun pilem sorangan.[rujukan?] Vin nulis hiji pilem pondok dumasar pangalamanna sorangan minangka saurang aktor, anu dijudulan Multi-Facial (1995), digarap dina waktu kurang ti tilu poé ku biaya 3.000 USD.[rujukan?] Multi-Facial (1995) antukna ditarima dina Cannes Film Festival taun 1995.[1]
Sanggeus kitu, Vin balik ka Los Angeles jeung ngadanaan ampir 50.000 USD liwat télémarketing dina nyieun fitur munggaranna, Strays (1997).[rujukan?] Genep bulan sanggeus garapan, pilem ieu ditarima dina Sundance Film Festival taun 1997, sanajan meunang samatan anu hadé, tapi teu kajual sakumaha anu diharepkeun.[rujukan?] Steven Spielberg kataji ku Multi-Facial (1995) sarta hayang panggih jeung Vin, mingpin manéhna pikeun jadi pamaén dina Saving Private Ryan (1998).[rujukan?] Tina Multi-Facial (1995) Vin meunang loba pagawéan, nalika diréktur The Iron Giant (1999) némbong jeung maheutkeun pikeun netepkeun Vin dina peran utama.[rujukan?] Ti dinya, karir Vin geus terus tumuwuh, ku manéhna jadi pamaén utama munggaranna minangka Richard B. Riddick dina pilem sainték Pitch Black (2000).[1]
Ti harita, Vin geus ngabéntangan runtuyan pilem-pilem, kayaning: The Fast dan Furious (2001), xXx (2002), The Pacifier (2005), Fast & Furious (2009), Fast Five (2011), Fast & Furious 6 (2013), jeung Furious Seven (2015).[rujukan?] Vin ogé jadi pangeusi sora Groot dina Guardians of the Galaxy (2014) jeung ngabéntangan drama rohangan anggaran handap Cari Me Guilty (2006), anu pamungkasna disutradaraan ku Sidney Lumet.[1][2]
Taun[3] | Judul[3] | Peran[3] |
2015 | The Last Witch Hunter | |
2015 | Furious 7 | Dominic Toretto |
2014 | Guardians of the Galaxy | |
2013 | Riddick | Riddick |
2013 | Fast & Furious 6 | Dominic Toretto |
2011 | Fast Five | Dominic Toretto |
2009 | Fast & Furious | Dominic Toretto |
2008 | Babylon A.D. | Toorop |
2007 | Hitman | |
2006 | The Fast and the Furious: Tokyo Drift | |
2006 | Find Me Guilty | Giacomo "Jackie Dee" DiNorscio |
2005 | The Pacifier | Shane Wolf |
2004 | The Chronicles of Riddick | Richard B. Riddick |
2002 | Knockaround Guys | Taylor Reese |
2002 | XXX | Xander "XXX" Cage |
2000 | Boiler Room | Chris Varick |
2000 | Pitch Black | Richard B. Riddick |
1998 | Saving Private Ryan | Pvt. Caparzo |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.