Semur nyaéta olahan daging anu dikulub ti Indonésia miboga kuah anu warna coklat lantaran dina prosés ngolahna maké kécap amis, bawang beureum, bawang bombay, pala jeung cengkéh.[1] Kécap amis anu dijieun tina kedelé hideung mangrupa bahan penting dina prosés ngolah semur lantaran méré cita rasa anu has dina olahan semur.[2] Ku kituna kualitas kécap jadi bungbu anu nangtukeun cita rasa semur.[2]
Bahan anu bisa dijieun semur lain ngan saukur daging sapi hungkul.[1] Lantaran kiwari semur geus loba variasina luyu jeung kamekaran jaman jeung kahayang masarakat kana kadaharan anu tuluy ngalaman kamekaran.[1] Dumasar kana daérah di Nusantara ngaran semur sok disebut dumasar daérahna, saperti semur Betawi, semur Manado, semur Malbi, semur Lidah ti Bali, semur Daging ala Aceh, semur Goreng ti Samarinda, semur Ternate, semur Santan Maluku, jeung sajabana.[3] Sedengkeun bahan séjén anu sok remen dijieun semur salian ti daging loba rupana, di antarana semur tahu, semur témpé, semur endog, semur kentang, semur jéngkol, semur cumi, semur bandeng, semur cékér, jeung réa-réa deui.[3]
Semur mangrupa olahan hasil akulturasi budaya lokal jeung budaya Walanda anu jaman baheula asup ka Nusantara.[4] Kecap semur asalna tina basa Walanda nyaéta Smoor anu hartina olahan anu kulub daging maké tomat dan bawang dina seuneu leutik.[4] Olahan semur, numutkeun pakar kulinér Chef Ragil Imam Wibowo, mangrupa persépsi bangsa Indonésia tina olahan tradisional Walanda anu ngaranna hachee.[4] Hachee mangrupa olahan daging kulub anu dipotong leutik, bisa ogé maké lauk, daging manuk, jeung sayur.[4] Samarana maké bawang jeung rasa haseum (biasana tina cuka atawa wine).[4] Sarta maké cengkéh jeung daun salam ditambahkeun kana kuah kaldu anu kentel.[4]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.