From Wikipedia, the free encyclopedia
Risoles ( rissole) nyaéta salah sahiji kuéh garing nu eusina daging jeung sayuran dibungkus dina hiji gulungan nu dijieun tina tipung roti jeung diolésan ku endog hayam meunang ngocok. [1] Ieu kadaharan bisa ogé dipanggang dina open. [1] Risoles nu ukuranana leutik bisa dipaké jadi hiasan keur kadaharan nu ukuranana gedé, saperti potongan daging hayam atawa daging sapi.[1] Eusi risoles bisa maké daging ayam, daging sapi, daging lauk, hurang, supa, wortel, kentang, atawa buncis. [1] Adonan gulunganana dijieun tina campuran tipung tarigu, endog kokonéngna, mantega (margarin), jeung cai atawa susu. [1] Risoles anu kawentar di Indonesia nyaéta risoles sayuran nu dicampur daging jeung risoles nu eusina ragout.[1] Ieu kuéh wangunna segi panjang saperti amplop. Risoles segitilu téh umumna dieusian ragout.[1] Risoles bisa didahar maké sambel suuk nu éncér, sambel botol, atawa bari ngageletuk céngék.[1]
Jaman baheula risoles disebut roinsolles, mimiti dipikawanoh dina abad ka-13.[2] Harita, ieu kadaharan téh ukur panekuk anu digoréng ngagunakeun mantéga atawa gajih sapi. [2] Ku kamekaran jaman, ieu kadaharan robah eusina ku daging sapi atawa hayam kalawan dicampur sayuran. Dina istilah kulinér Perancis, rissoler téh kecap pagawéan miboga harti jadi coklat. [2] Rissoler pasti dibungkus ku hiji gulungan atawa nu sajinisna, biasana digoréng, tapi aya ogé nu digarang dina open.[3] Rasa rissole bisa asin atawa amis. Rasa amis téh ku sabab dipurulukan ku gula tipung atawa selé bungbuahan.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.