From Wikipedia, the free encyclopedia
Minyak taneuh dina basa Latinna nyaéta pétroleum, nu hartina "minyak batu-batuan".[1] Tina minyak taneuh éta bisa ngahasilkeun minyak solar, parafin, bénsin, minyak pelumas, minyak semir, bahan lilin, aspal, sarta rupa-rupa produksi nu sejénna.[1] Minyak taneuh mangrupa salah sahiji pengabdi manusa anu pangbadagna.[1] Manéhna méré penerangan, panas, sarta tanaga pikeun mobil,traktor,kapal udara sarta kapal-kapal.[1] Tampa minyak taneuh ampir kabéh mesin anu urang piboga baris ngandeg alatan ngalaman géséran.[1] Para ahli élmu pangaweruh boga anggapan yén minyak taneuh éta asalna ti tutuwuhan sarta sato anu hirup mangabad-abad lilana di jaman mangsa heubeul, di jero sarta di kira-kira sagara anu panas, anu ngawengku lolobana kerak bumi.[1] Nalika tutuwuhan sarta sato-sato ieu paéh, mangka jasad-jasad mahluk éta numpuk dina permukaan dasar sagara.[1] Dina hiji waktu mangjuta-juta ton keusik sarta leutak jadi nutupanana.[1] Ku alatan ngalaman tekenan anu beurat mangka leutak sarta keusik éta robah jadi batubara.[1] Urut tutuwuhan sarta sato éta robah jadi sajenis cairan hideung anu ngarembes ngaliwatan pori-pori dina batu-batuan éta.[1] Numpukna kulit kerak bumi ngabalukarkeun bagéan-bagéan ti anu mimiti dasar sagara éta jadi taneuh anu garing.[1] Tuluy sawaréh ti cairan éta ngarembes ka luar permukaan bumi ku kituna manusa manggihan tanda-tandana pikeun pertama kalina.[1] Minyak taneuh atawa miyak garihal éta geus dipaké jelema saprak beribu-ribu taun ka tukang.[1] Jalma-jalma jaman baheula, kaasup bangsa Tionghoa sarta jalma-jalma Mesir, geus makéna minangka ubar.[1] Di India, jelema geus makéna minangka bahan paranti ngabeuleum sarta pikeun nyaangan saméméh abad Maséhi dimuali.[1] Dina jaman baheula éta jelema makéna pikeun kaperluan nyieun obor, sedengkeun wangun bahanna anu mangrupa leutak hideung sarta aspal éta dipaké pikeun jadi pakakas pikeun némpélkeun batu bata, ngalapisan karinjang jadi tahan parat cai, sarta nyummbat sela-sela papan parahu sarta kapal.[1] Jalma-jalma Indian Amérika, ngamangpaatkeun minyak taneuh pikeun sagala rupa kaperluan sarta nalika jalma kulit bodas datang ka Amérika, maranéhanana ogé nurutan sarta nyokot alih cara-cara urang Indian éta.[1] Maranéhanana ogé ngagunakeun minyak mineral ieu pikeun ubar.[1]
Hiji panalungtikan prospektif dilaporkeun ti 70 budak nu umurna antara 9 bulan sarta 6 taun anu dirawat di Rumah Sakit Anak di Riyadh mibanda masalah nelen minyak tanah.[2] Mayoritas asalna ti kelas sosial ékonomi anu handap di mana lolong hurup, miskin, sarta padetna penduduk.[2] Kurangna pengawasan sarta sadiaan minyak taneuh dina parabot biasana dipaké pikeun nginum nu ngabalukarkeun faktor prédisposisi utama.[2] Dua puluh tilu pasien (33 persén) tampa aya tanda-tanda. Batuk,utah, dispnea, sarta muriang nyaéta gejala anu pangumumna anu geus dititénan.[2] Tanda-tanda pneumonia Radiologi ditembrakkeun dina salapan ti 27 pasien anu mibanda sinar-x dina dadana.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.