![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/Lm-vanesa.png/640px-Lm-vanesa.png&w=640&q=50)
Linux Mint
From Wikipedia, the free encyclopedia
Linux Mint nyaéta hiji sistim operasi komputer nu dijieun ngagunakeun inti kernél Linux tur ngagunakeun pakakas jeung pustaka GNU[1]. Linux lain ngaran sistim operasi, Linux ngan saukur komponén software anu jadi sasak, ngabantuan hubungan antara aplikasi jeung data-data nu di prosés dina jero hardware[1]. Kernél nyaéta komponén inti tina hiji sistim operasi[1]. Linux mangrupa hiji kernél jadi can bisa disebut sistim operasi soalna sistim operasi butuh leuwih loba komponén ti batan kernél hungkul[1].
![Thumb image](http://upload.wikimedia.org/wikipedia/commons/thumb/9/9b/Lm-vanesa.png/640px-Lm-vanesa.png)
Ku sabab Linux Mint mibanda kernél Linux, Linux Mint disebut sistim operasi distribusi Linux[1]. Di dunya ieu, aya loba pisan jenis jenis distribusi Linux salian ti Linux Mint.[rujukan?] Linux Mint dimekarkeun tina distribusi Linux Ubuntu[2]. ku sabab éta, loba pakakas Linux Mint anu mirp jeung pakakas Ubuntu[2].
Linux mint dina pamakéan antarbeungeutna ngagunakeun Cinnamon jeung Maté.[rujukan?] Cinnamon disayogikeun pikeun komputer anu alanyar sedengkeun Maté disayogikeun pikeun komputer anu heubeul[2]. Salain Cinnamon jeung Maté, aya ogé KDÉ jeung Xfcé pikeun antarbeungeut Linux Mint na[2]. di antara sababaraha antarbeungeut nu aya, Cinnamon mangrupa antarbeungeut anu paling kakoncara[2]. Unggal vérsi anu dimekarkeun ku Linux Mint mibanda ngaran kode masing-masing.[rujukan?] Contona, Linux Mint versi 17.3 mibanda ngaran kode Rosa[3]. Linux Mint versi 17.2 mibanda ngaran kode Rafaela, jrrd[3].