![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/93/Jonny_Greenwood%252C_May_11%252C_2008.jpg/640px-Jonny_Greenwood%252C_May_11%252C_2008.jpg&w=640&q=50)
Jonny Greenwood
From Wikipedia, the free encyclopedia
Jonathan Richard Guy Greenwood anu kasohor Jonny Greenwood nyaéta gitaris grup musik Radiohead anu lahir tanggal 5 Nopémber 1971 di Oxford, Inggris[1][2]. Jonny Greenwood nyaéta adi tegesna Colin Greenwood[3]. Salian ti jadi gitaris, Jonny ogé mahér maénkeun Organ, Synthesizer, Piano, Recorder, jeung éfék-éfék sora séjénna nalika manggung jeung Radiohéad[1]. Jonny Greenwood kuliah di Universitas Oxford Brooks, Inggris, manéhna nyokot program studi psikologi jeung musik, tapi kuliahna teu réngsé sabab kaburu nyieun kontrak jeung EMI[2].
![Thumb image](http://upload.wikimedia.org/wikipedia/commons/thumb/7/7d/Jonny_Greenwood_Synth_%28Amsterdam%29.jpg/640px-Jonny_Greenwood_Synth_%28Amsterdam%29.jpg)
![Thumb image](http://upload.wikimedia.org/wikipedia/commons/thumb/9/93/Jonny_Greenwood%2C_May_11%2C_2008.jpg/640px-Jonny_Greenwood%2C_May_11%2C_2008.jpg)
Jonny geus teu bireuk deui ka musik, komo musik klasik mah[2]. Pertama, Jonny diajar biola terus manéhna diajar waditra séjénna saperti piano, organ, banjo, glockenspiel, harmonika, jeung ondes martenot[2]. Barengan jeung lanceukna, Colin, Jonny asup ka sakola Abingdon di deukeut Oxford; harita, Colin papanggih jeung Thom Yorke anu teu lila nyieun proyék grup musik TNT[3]. Teu lila, Ed O'Brien jeung Phil Selway asup salaku personil, terus ieu grup diganti ngaranna jadi On a Friday[3]. Jonny Greenwood ménta sangkan manéhna bisa asup ka grup, ku Thom Yorke saparakanca, Jonny dititah maénkeun harmonika nalika On a Friday manggung di Jericho Tavern taun 1987[3].