Hoé
From Wikipedia, the free encyclopedia
Hoé nyaéta sagolongan tuwuhan palma ti suku sub-kulawarga (tribus) Calaméae anu mibanda kabiasaan nérékél ngareuy, utamana Calamus, Daemonorops, jeung Oncocalamus. Suku sub-kulawarga Calaméae sorangan diwangun ku kira-kira genep ratus anggota, kalayan wewengkon sumebarna di bagian tropis Afrika, Asia sarta Australasia.[1] Diasupkeun ogé kana suku sub-kulawarga ieu téh Salacca ( contona salak), Metroxylon (contona rumbia/sagu), sarta Pigafetta anu henteu ngareuy, sarta sacara tradisional henteu digolongkan minangka hoé.
Hoé | |
---|---|
Hoé Calamus rotang | |
Klasifikasi ilmiah | |
Karajaan: | |
Divisi: | Magnoliophyta |
Kelas: | |
Ordo: | |
Kulawarga: | |
Subfamili: | Lepidocaryoideae |
Tribus: | Calameae |
Genera | |
Hoé: Calamae non-rotan: |
Tangkal hoé biasana boga diaméter 2–5 cm, buku-bukuna paranjang, henteu boga rongga, sarta réa anu ditangtayungan ku cucuk-cucuk panjang, teuas, sarta seukeut. Cucuk ieu boga guna salaku pakakas pertahanan diri tina binatang hérbivora, sakaligus mantuan pikeun naék (ngareuy), alatan hoé henteu dilengkepan ku sulur. Hiji tangkal hoé bisa ngahontal panjang ratusan méter. Tangkal hoé ngaluarkeun cai lamun dikadék. Badak Sunda dipikanyaho ogé ngajadikeun hoé minangka salah sahiji kadaharanana.
lolobana hoé asalna ti leuweung di Indonésia, kawas Sumatra, Jawa, Bornéo, Sulawesi, sarta Nusa Tenggara. Indonésia nyadiakeun 70% kaperluan hoé di dunya. Sésa pasar dieusi ku Malaysia, Filipina, Sri Lanka, jeung Bangladés.
Hoé gancang tumuwuh sarta rélatif gampang dipanén sarta diangkut.