Haremis (Corbicula leana) nyaéta sato anu hirup di cai, Invertebrata leutik anu mibanda cangkang teuas wanguna kawas citakan/bivalve (bisa nutup jeung muka)[1], kelirna konéng aya ogé anu semu coklat, hirupna di walungan nyumput dina jero keusik atawa leutak di dasar susukan.
[2]
Fakta Singget Haremis, Klasifikasi ilmiah ...
Haremis |
![Thumb](//upload.wikimedia.org/wikipedia/commons/thumb/a/a1/Masijimi_01.jpg/220px-Masijimi_01.jpg) |
Haremis/Corbicula leana |
![Thumb](//upload.wikimedia.org/wikipedia/commons/thumb/5/5f/Corbicula_fluminea.jpg/220px-Corbicula_fluminea.jpg) |
Cangkang haremis/ Corbicula fluminea |
Klasifikasi ilmiah |
Karajaan: |
|
Filum: |
Mollusca |
Kelas: |
Bivalvia |
Subkelas: |
Heterodonta |
Ordo: |
Veneroida |
Superfamili: |
Cyrenoidea |
Kulawarga: |
Cyrenidae |
Génus: |
Corbicula
Megerle von Mühlfeld, 1811 |
Tutup
Urang Jérman nyebut kana haremis téh muschel,[3] dina basa Inggris disebutna barnacles.
[4]
Haremis bisa nyeceb/ngerelep kana leutak atawa keusik ngagunakeun organ dina awakna anu nolol kaluar tina cangkangna (sukuna)
[5]
Numutkeun kana Kamus Sains, haremis téh asup kana kelas Lamellibranchia anu hartina ngambekan/bernafas ngaliwatan insang anu diwangun ku éntépan lamad/lambaran-lambaran anu ipis dina awakna.[6]
Ngala haremis mah kudu kuat ku tiris, ku lantaran kudu ancrub ka cai susukan bari ngoréh-ngoréh keusik tempat haremis nyumput bisa maké ayakan atawa sair[7].
Di kota Banjar hususna susukan Citanduy dina mangsa usum halodo/orot cai mangrupa tempat anu kasohor loba ngahasilkeun haremis.[7]
Haremis mibanda sapasang cangkang teuas anu sarua wangun jeung ukuran (simetris).[1] Henteu mibanda jaringan otak alatan henteu mibada sirah/hulu.[5] Mangsa pindah tempat atawa ngalelep kana keusik ngagunakeun organ ipis (sukuna) anu kaluar tina sela-sela cangkangna.[5] Hirupna dina handapeun keusik/lempung di susukan.[7] Kelir cangkangna konéng ngora nepikeun ka konéng kolot semu coklat.[2]
- Haremis bisa dikulub sangkan cangkangna maruka, tur gampil nyokélan dagingna, ilaharna diasakan pikeun diolah jadi sambel haremis atawa kumaha pangaresep,[8]
- Haremis sagigireun murah tur loba kapanggih dipasar ogé mibanda mangpaat pikeun ngubaran panyakit konéng (liver)[9]. Carana kawilang gampang, haremis beunang meresihan dikulub nepi ka ngagolak caina, di mana geus tiis caina diuyup ieu kudu leukeun unggal poé nepi ka miang-miang cageur.[9]
- Haremis ogé bisa dijieun bahan lauk pauk/deungeun sangu pikeun ngaronjatkeun gizi, diolah gumantung kana pangaresep naha di goréng, semur, pais, atawa dikulub wungkul.[9]
- Haremis ogé dimangpaatkeun pikeun campuran ubar herbal anu hasiatna bisa ngubaran hepatitis ku jalan dicampur jeung temulawak/konéng gedé sagedé indung leungeun, daun séndok/kiurat jeung antanan sakeupeul-sakeupeul, tuluy digodog.[3] Cai godoganna ditiiskeun tuluy dileukeunan diinum sapoé tilu kali.[3] dina basa Inggrisna barnacles.[4]
- Kandungan kalsiumna ,[10] kalori jeung protéin bisa digunakeun pikeun nambahan nutrisi parab ingon-ingon ku jalan dicampurkeun/konsentrat kana parabna,[11] bisa ogé dimangpaatkeun pikeun bahan dasar pangawét jeung bahan dasar rupa-rupa karajinan.[11] pikeun nyumponan kabutuhan nutrisi kalsium jeung fosfor.[12] Utamana kana ingon-ingon saperti hayam, meri, éntog, jeun Kalium.[12]
Sanajan haremis kadaharan anu sehat pikeun dikonsumsi tur bisa nyéhatkeun, tapi angger ngonsumsi haremis tetep kudu ditalingakeun ku lantaran upama dikonsumsi dina jumlah anu loba tur mindeng ieu baris ngabalukarkeun ngaronjatna resiko kaserang hiperurisemia anu ilahar disebut asam urat.[13] Ogé bisa ngaronjatkeun resiko kaserang Hiperkolestrerolemia taya lian anu bakal ngabalukarkeun kasakit kolesterol, jantung koronél, jeung stroke.
[14]
Species anu kaasup kana genus Corbicula :[15]
- Corbicula africana (Krauss, 1848)
- Corbicula australis
- Corbicula fluminalis (O. F. Müller, 1774)
- Corbicula fluminea (O. F. Müller,1774) - Asian clam
- Corbicula fluviatilis
- Corbicula japonica Prime, 1864
- Corbicula largillierti (Philippi, 1844)
- Corbicula leana (Prime, 1864)
- Corbicula linduensis Bollinger, 1914
- Corbicula loehensis Kruimel, 1913
- Corbicula madagascariensis Smith, 1882
- Corbicula matannensis Sarasin & Sarasin, 1898
- Corbicula moltkiana Prime, 1878
- Corbicula occidentalis Meek & Hayden, 1878
- Corbicula possoensis Sarasin & Sarasin, 1898
- Corbicula sandai Reinchardt, 1878
JonathanRigg (1862). "A Dictionary of the Sunda Language of Java". Sunda Language of Java. Batavia: Lange & Co. p. 146.
Kamus Pocket Jerman-Indonesia, Indonesia-Jerman. Jakarta: Indonesia. 2010. ISBN 979-775-123-6. Wahyu Untara (2014). "Lamellibranchia". Di Nunggal Seralati H, Novidewi Ayusari. Kamus Sains. Yogyakarta: Indonesia Tera. pp. 46–49. ISBN 979-775-222-4. t. Erwin, Lilly; Intarina Hardiman (2011), Gemar Makan Ikan: 25 Cita Rasa Kerang, PT Gramedia Pustaka Utama, ISBN 078-979-22-6841-6 M. Sara Rosenthal, Ph.D (2009). Pedoman untuk Wanita Revolusi Terapi Hormon. Jakarta: Bentang Pustaka. ISBN 978-979-24-3836-9. Agribisnis Kreatif: Pilar Wirausaha Masa Depan, Kekuatan Dunia Baru Menuju Kemakmuran Hijau. Jakarta: Penebar Swadaya Grup. 2012. ISBN 979-002-528-9. Mito & Johan, ST (2011). Usaha Penetasan Telur Itik. Jakarta: AgroMedia Pustaka. ISBN 979-006-357-1. Khasiat & manfaat temulawak: rimpang penyembuh aneka penyakit. Jakarta: AgroMedia. 2003. ISBN 979-3357-36-3. Miracle Juices Penggempur Kolesterol, Penyakit Jantung Koroner, dan Stroke. Jakarta: FMedia. 2014. ISBN 979-006-535-3.
![](//upload.wikimedia.org/wikipedia/su/thumb/f/f4/Nulis.jpg/30px-Nulis.jpg) |
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |